ونىڭ ايتۋىنشا، پرجيەۆالسكيي جىلقىسىن رەينترودۋكسيالاۋ ءۇشىن نەعۇرلىم قولايلى جەر رەتىندە قوستاناي وبلىسىندا ورنالاسقان «التىن دالا» مەملەكەتتىك تابيعي رەزەرۆاتىنىڭ اۋماعى ايقىندالدى. بۇل شەشىم قازاقستاندا تۇياقتى جانۋارلاردى قايتا جەرسىندىرۋ بويىنشا قالىپتاسقان تاجىريبەنى، سونداي-اق حالىقارالىق تابيعاتتى قورعاۋ وداعىنىڭ ۇسىنىستارى مەن مۇددەلى عىلىمي ۇيىمداردىڭ ماماندارىنىڭ كەڭەستەرىن ەسكەرىلىپ قابىلداندى.
«مەملەكەتتىك تابيعي رەزەرۆات قازاقستان رەسپۋبليكاسى ۇكىمەتىنىڭ قاۋلىسىمەن 2012 جىلى قۇرىلدى. رەزەرۆات اۋماعى 490 مىڭ گەكتاردى قۇرايدى. رەزەرۆات اۋماعىندا جىلقىلاردى جەرسىندىرۋ شارالارىنىڭ اياسىندا رەزەرۆاتتىڭ ماتەريالدىق-تەxنيكالىق بازاسى كۇشەيتىلدى جانە ارنايى ۆولەر ورناتىلدى. كەلىسسوزدەر قورىتىندىسى بويىنشا العاشقى جىلقى توبىن، 7-8 باس الىپ كەلۋ اعىمداعى جىلدىڭ ماۋسىم ايىنا جوسپارلانعان. پرجيەۆالسكيي جىلقىلارىن قورعاۋ جانە ولاردىڭ سانىن كوبەيتۋ جونىندەگى بىرلەسكەن جۇمىسىمىز ناتيجەلى بولاتىنىنا سەنىمدىمىن»، – دەدى سپيكەر.