جەڭىل جولمەن اقشا تابۋعا ادەتتەنگەن جاس جىگىت قولعا ءتۇستى
الماتىدا سپورت زالدارىنىڭ كيىم اۋىستىراتىن بولمەلەرىندە جۇرگەن ۇرى ۇستالدى، دەپ حابارلايدى اlmaty-akshamy.kz Polisia.kz-كە سىلتەمە جاساپ.
جەڭىل اقشانى ۇناتاتىن 21 جاستاعى جىگىت تەك سپورت زالدارى مەن مونشا كەشەندەرىنىڭ سورەلەرىنەن ۇرلىق جاساۋعا ماماندانعان. جاس جىگىت مەكەمەلەردىڭ كيىم اۋىستىراتىن بولمەلەرىنە كىرىپ، سورەلەردىڭ قۇلپىن بۇزىپ، سول جەردەن باعالى زاتتاردى ۇرلاپ كەتكەن.
«كۇدىكتىنى ءبىزدىڭ بولىمشەنىڭ كريمينالدىق پوليسيا ءبولىمىنىڭ قىزمەتكەرلەرى ۇستادى. جەكە ءتىنتۋ بارىسىندا ودان زاتتاي ايعاقتار تابىلدى جانە تاركىلەندى. قازىرگى ۋاقىتتا تەرگەۋ ءبولىمى ۇستالعان ازاماتتىڭ وسىعان ۇقساس 10 ەپيزودقا قاتىسى بارىن دالەلدەپ وتىر. سوتقا دەيىنگى تەرگەۋ اياقتالعانشا بۇل كورسەتكىش ارتۋى مۇمكىن. كۇدىكتى تۇلعانىڭ باسقا دا قىلمىستارعا قاتىسى بار-جوعى تەكسەرىلۋدە»، – دەپ قورىتىندىلادى مەدەۋ اۋداندىق پوليسيا باسقارماسىنىڭ باستىعى داۋرەن وتەبايەۆ.