الماتىدا ەكى جىگىت ۆيترينادا تۇرعان كۇرتەشەلەردى قولدارىنا ىلە كەتكەن
الماتىدا ەكى ەر ادام بازارداعى ۆيترينادان كۇرتەشەلەردى ۇرلاپ كەتتى، دەپ حابارلايدى Almaty-akshamy.kz
پوليسيا باسقارماسىنا جەكە كاسىپكەر ۇرلىق تۋرالى ارىزبەن جۇگىنگەن. كەلتىرىلگەن شىعىننىڭ جالپى سوماسى 110 مىڭ تەڭگەنى قۇرادى.
«وقيعا ورنىنا جەتكەن جەدەل تەرگەۋ توبى جابىق بازاردا ورنالاسقان بۋتيكتەن ەكى قىسقى كۇرتەشەنىڭ ۇرلانعانىن انىقتادى. جەدەل ىزدەستىرۋ ءىس-شارالارىنىڭ ناتيجەسىندە كۇدىكتىلەردىڭ جەكە باسى انىقتالدى. ولاردىڭ زاڭسىز ارەكەتتەرى بەينەباقىلاۋ كامەرالارىنا ءتۇسىپ قالعان. ۇستالعانداردىڭ ەكەۋى دە 30 جاستا. ولاردىڭ بىرەۋى بۇرىن سوتتى بولعان. قىلمىستىق ءىس ق ر قك-نىڭ 188-بابى بويىنشا تەرگەلۋدە. ۇرلانعان زاتتار يەسىنە قايتارىلدى»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.