قازاقستاندىق سپورتشىلار بارلىق قالا تۇرعىنىن «الماتى – ءبىزدىڭ ورتاق ءۇيىمىز» ناۋقانىنا اتسالىسۋعا شاقىردى، دەپ حابارلايدى almaty-akshamy.kz
«الماتىدا «الماتى – ءبىزدىڭ ورتاق ءۇيىمىز» اۋقانى باستالدى. ءبىر اي بويى قالانى كوركەيتۋ جۇمىستارى ۇيىمداستىرىلادى. ءبىز قالا تازالىعىن قولدايمىز، سپورتشىلار سپورتتا عانا ەمەس، ءوز قالاسىنا دەگەن ۇلكەن سۇيىسپەنشىلىك كورسەتۋ ارقىلى دا ۇلگى بولامىز. الەمىمىزدى تازا ۇستايىق»، - دەپ شاحماتتان جاسوسپىرىمدەر اراسىنداعى الەم چەمپيونى كسەنيا بالابايەۆا قالا تۇرعىندارىن ناۋقانعا قاتىسۋعا ۇندەدى.
وليمپيادا چەمپيونى ولگا شيشيگينا الماتىلىقتارعا ءوزىنىڭ اۋلاسى مەن قورشاعان ورتاعا ءمان بەرۋدى ايتىپ، باستامانى قولدادى.
«الماتىنىڭ وزگە تۇرعىندارى سياقتى مەن دە قالامدى وتە جاقسى كورەمىن. اسەم قالامىزدى كوركەيتۋ جولىندا ماحابباتىمىزدى ايامايىق، تازالىقتى ءوز اۋلامىزدان باستايىق»، - دەدى ولگا شيشيگينا بەينەجازبادا.
ات سپورتى بويىنشا حالىقارالىق دارەجەدەگى سپورت شەبەرى نۇريلا تۇرىسبەكوۆا حالىقتى قالادا تازالىقتى ساقتاۋعا شاقىردى.
ەستەرىڭىزگە سالا كەتەيىك، 8 ساۋىردە «الماتى – ءبىزدىڭ ورتاق ءۇيىمىز» ناۋقانى باستالدى. ءاربىر تۇرعىن قالانى دامىتۋ مەن كوركەيتۋگە ۇلەس قوسا الادى.
تولىق اقپارات almaty.kz سايتى مەن الماتى اكىمدىگىنىڭ الەۋمەتتىك جەلىلەرىندەگى پاراقشالارىندا جاريالانادى. سونداي-اق، قالاداعى باننەر، پلاكات جانە افيشالارداعى ارنايى QR-كود ارقىلى ۆەب-سايتقا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.
https://www.instagram.com/reel/C5m5Un0tQ7R/؟igsh=MTQ3MGoyd3ZqbmQ2aA%3D%3D
https://www.instagram.com/reel/C5nOhDKiwux/؟igsh=MXQ4cGs0NGsxaGxkOQ%3D%3D
https://www.instagram.com/reel/C5niqleCQUE/؟igsh=OG9hNzBiNHNjYjBs