الماتىدا قىركۇيەككە دەيىن سپاسسكايا كوشەسى بويىندا كولىك قوزعالىسى شەكتەلەدى، دەپ حابارلايدى almaty-akshamy.kz «الماتى جىلۋ جۇيەسى» جشس-نە سىلتەمە جاساپ.
2024 جىلدىڭ 20 ماۋسىمى مەن 15 قىركۇيەگى ارالىعىندا الماتى قالاسىنىڭ تۇركسىب اۋدانىندا سپاسسكايا كوشەسىنىڭ بويىمەن بەكماحانوۆ كوشەسىنەن باستاپ ۋريسكيي كوشەسى ارقىلى وتە وتىرىپ، ۆوروۆسكيي كوشەسىنە دەيىنگى اۋماقتا اۆتوكولىك قۇرالدارى ءۇشىن قوزعالىس شەكتەلەدى.
ەكى باعىتتا دا كولىك قوزعالىسى جابىلادى.
ۋاقىتشا شەكتەۋلەر 1983 جىلدان بەرى پايدالانىلىپ كەلە جاتقان جالپى ۇزىندىعى 1804،6 مەتر بولاتىن، اتالعان كوشە بولىگىنىڭ كولىك جولى بولىگىنىڭ استىنان وتەتىن قۇبىردى جاڭعىرتۋ ۋچاسكەسىندە جوسپارلى جۇمىستاردى جۇرگىزۋ قاۋىپسىزدىگىن قامتاماسىز ەتۋ ءۇشىن ەنگىزىلمەك.
بۇل قۇبىر 22 كوپپاتەرلى تۇرعىن ءۇيدى، 1 بالاباقشا مەن 1 ءبىلىم بەرۋ نىسانىن جىلۋمەن جانە ىستىق سۋمەن قامتاماسىز ەتەدى. جاڭعىرتۋ جۇمىستارى كەزەڭىندە اتالعان تۇتىنۋشىلار ىستىق سۋمەن بۇرىنعىسىنشا ۇزدىكسىز قامتاماسىز ەتە بەرىلەتىن بولادى.
ەسكە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋدان اكىمدىكتەرى مەن باسقارمالارىنىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالارى» سەرۆيستەرىندە جاريالانىپ وتىرادى.
ۋاقىتشا قولايسىزدىقتارعا تۇسىنىستىكپەن قاراۋلارىڭىزدى جانە بۇل اۋماقتى اينالىپ ءوتۋ جولدارىن الدىن الا قاراستىرۋلارىڭىزدى سۇرايمىز.