الماتى قالاسى قوعامدىق دامۋ باسقارماسىنىڭ «باس بوستاندىعىنان ايىرۋ ورىندارىنان شىققان ادامداردى الەۋمەتتىك بەيىمدەۋ» جوباسى اياسىندا «Social project» قوعامدىق قورىنىڭ وكىلدەرى سوتتى بولعان جاستارمەن جۇزدەستى.
الماتى قالاسى بويىنشا قاجد №11 مەكەمەسىندە ۇيىمداستىرىلعان باس بوستاندىعىنان ايىرىلعان جازاسىن وتەۋشى جاسوپىرىمدەرمەن كەزدەسۋدە قالالىق «اتامەكەن» ۇلتتىق كاسىپكەرلەر پالاتاسىنىڭ وكىلى ايدوس قالجانوۆ جاستارعا زاڭدىق، قۇقىقتىق كەڭەستەر بەردى. ناقتىراق ايتساق، جازاسىن وتەۋشى جاسوپىرىمدەرگە بوساتىلعاننان كەيىن كومەك كورسەتىلەتىنى، ەشقانداي شەتتەتىلمەي، جۇمىسپەن قامتىلاتىنى تۋرالى دا تارقاتىپ ايتتى.
– ءبىزدىڭ ماقسات – باس بوستاندىعىنان ايىرىلىپ، جازاسىن وتەپ جاتقان جەتكىنشەكتەرگە ەرتەڭگى كۇنى بوستاندىققا شىققاننان كەيىن تىعىرىققا تىرەلىپ، قوعامنان الشاقتاپ قالماۋى ءۇشىن نە ىستەۋ كەرەكتىگىن، الداعى جاقسى كۇندەردەن ءۇمىت ۇزبەۋلەرىن ءتۇسىندىرۋ. جازا باسقاندارعا «سوتتى بولۋ – سوڭعى ۇكىم ەمەس» ەكەنىن جەتكىزىپ، وسىناۋ ومىردەن ءوز ورنىن تابا الاتىنىنا سەندىرىپ، ىشكى موتيۆاسياسىن كوتەرگىمىز كەلەدى، – دەيدى «Social project» قوعامدىق قوردىنىڭ ديرەكتورى، جوبا جەتەكشىسى بەيبىت نالىبايەۆ.