رەسپۋبليكا كۇنى «Human Rights Lawyers» قوعامدىق قورى الماتى قالاسى بويىنشا قىلمىستىق-اتقارۋ جۇيەسى دەپارتامەنتىنە قاراستى №11 مەكەمەسىنە ارنايى كەلىپ، كامەلەتكە تولماعان جازاسىن وتەۋشى جاسوسپىرىمدەردى مەرەكەمەن قۇتتىقتادى.
مەرەكە قۇرمەتىنە ۇيىمداستىرىلعان سۋرەت بايقاۋىنا قاتىسقان بالالارعا ارنايى سىيلىقتار تارتۋ ەتىلدى. ولارعا ارناپ مەرەكەلىك داستارحان جايىلدى.
سونىمەن قاتار، قوعامدىق قور دەمەۋشىلەرىنىڭ، ۆولونتەرلاردىڭ قولداۋىمەن جازاسىن وتەۋشى جاسوپىرىمدەرگە پسيحولوگيالىق كەڭەس بەرىلدى.
– اتالعان ءىس-شارا «One Stop Service ءبىر قادام» جوباسى شەڭبەرىندە ق ر پرەزيدەنتى جانىنداعى ايەلدەر ءىسى جانە وتباسىلىق-دەموگرافيالىق ساياسات بويىنشا ۇلتتىق كوميسسياسىنىڭ، اقپارات جانە مادەنيەت مينيسترلىگى «ازاماتتىق باستامالاردى قولداۋ ورتالىعىنىڭ» قولداۋىمەن ىسكە اسىرىلدى. ماقسات – جاستاردىڭ قۇقىعىن قورعاۋ جانە حالىق اراسىندا قۇقىقتىق ساۋاتتىلىق دەڭگەيىن ارتتىرۋ، – دەيدى №11 مەكەمە باستىعى ادىلەت پودپولكوۆنيگى مارات ماحامبەتوۆ.