الماتى قالاسى قاج دەپارتامەنتىنە قاراستى №11 مەكەمەسىندە جازاسىن وتەپ جاتقان جاسوسپىرىمدەر دە ەل قاتارلى ءبىلىم الىپ، ۇبت تاپسىرادى.
جالپى ءبىلىم بەرەتىن مەكتەپتەردى ءبىتىرۋشى سوتتالعاندار اراسىندا ۇلتتىق ءبىرىڭعاي تەستىلەۋدى تاپسىرۋدىڭ ءتارتىبى مەن جولدارىن ءتۇسىندىرۋ ماقساتىندا، الماتى قالاسى بويىنشا ادام قۇقىقتارى جونىندەگى ۋاكىلدىڭ وكىلى ق.مالدىبايەۆ بالالار كولونياسىندا بولدى.
جازالى جاسوسپىرىمدەر اراسىندا ساۋالناما جۇرگىزدى. وسىلاي جىل سايىن ونلاين فورماتتا جوعارى ءبىلىم الۋ قۇقىعى تۋرالى اقپاراتتاندىرۋ جۇمىستارى جۇرگىزىلىپ تۇرادى. 2022-2023 وقۋ جىلى جالپى ءبىلىم بەرەتىن №3 مەكتەپتتى بىتىرگەن №11 مەكەمەنىڭ 11-سىنىپ وقۋشىسى تۇڭعىش رەت ۇبت تاپسىردى.
بۇگىنگى كۇنى №11 مەكەمەدە باس بوستاندىعىنان ايىرىلىعان 67 بالا تاربيەلەنىپ جاتسا، سونىڭ ىشىندە مەكتەپتە 59 بالا ورتا ءبىلىم الۋدا. 37ء-سى – قازاق بولىمىندە، 22ء-سى – ورىس بولىمىندە. ەگەر ولار ۇبت تاپسىرىپ، شەكتى بالل جيناسا، جوعارى ءبىلىم الۋعا جول اشىق ەكەنى ءتۇسىندىرىلدى.