الماتى قالاسى قىلمىستىق-اتقارۋ جۇيەسى دەپارتامەنتىنە قاراستى №11 مەكەمەدەگى (بالالار كولونياسى) جازاسىن وتەۋشى جاسوسپىرىمدەر ءۇشىن جازعى كانيكۋلدان سوڭ مەكتەپ پارتاسىنا قايتا وتىرۋ ۇلكەن قۋانىش بولدى ، دەپ حابارلايدى Almaty-akshamy.kz .
بالالاردى العاشقى بولىپ قۇتتىقتاعان سوتتالعاندار اراسىندا الەۋمەتتىك پسيحولوگيالىق تاربيە جۇمىسى ءبولىمىنىڭ مىندەتىن اتقارۋشى ادىلەت كاپيتانى ە.سابيتوۆ مۇعالىمدەر مەن وقۋشىلارعا جاڭا وقۋ جىلىندا مول تابىستار تىلەدى.
№11 مەكەمەدە 2022 جىلى قىركۇيەك ايىندا بارلىعى 6 سىنىپ جابدىقتالدى. بۇگىندە اتالعان مەكەمەدە 44 ءجاسوسپىرىم جازالارىن وتەپ جاتسا، ونىڭ جەتەۋى ورتا مەكتەپتى بىتىرگەندەر. وقۋشىلارعا بارلىعى 11 ۇستاز ساباق بەرەدى. مۇعالىمدەر قۇرامى تاجىريبەلى ۇستازداردان قۇرالعان.
«بيىلعى ءبىلىم كۇنى مەملەكەت باسشىسىنىڭ «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى جولداۋىن جاريالاعان كۇنمەن تۇسپا-تۇس كەلدى. قازاقستان پرەزيدەنتى ق-ج. توقايەۆ ءوز جولداۋىندا «ورتا ءبىلىمنىڭ ساپاسى – تابىستى ۇلت بولۋدىڭ تاعى ءبىر ماڭىزدى شارتى. ءاربىر وقۋشىنىڭ ءبىلىم الىپ، جان-جاقتى دامۋى ءۇشىن قولايلى جاعداي جاسالۋعا ءتيىس» دەپ، وسكەلەڭ ۇرپاقتىڭ بولاشاعىنا تاعى دا ۇلكەن ءمان بەردى»، — دەيدى وقۋ-تاربيە ءىسىنىڭ مەڭگەرۋشىسى ايزادا الييەۆا.