سوت قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ نەمەرە ءىنىسى قايرات ساتىبالدىنى شارتتى تۇردە مەرزىمىنەن بۇرىن بوساتۋدان باس تارتتى.
سوتتالعان قايرات ساتىبالدىنىڭ باس بوستاندىعىنان ايىرۋ تۇرىندەگى جازانى باس بوستاندىعىن شەكتەۋگە اۋىستىرۋ تۋرالى ءوتىنىشىن قاناعاتتاندىرىلمادى، – دەپ حابارلادى شىعىس قازاقستان وبلىستىق سوتىنىڭ باسپا ءسوز قىزمەتى.
ايتا كەتەيىك، 2022 جىلدىڭ 26 قىركۇيەگىندە استانا قالاسى بايقوڭىر اۋدانىنىڭ №2 سوتى قايرات ساتىبالدىنى 6 جىلعا باس بوستاندىعىنان ايىردى.
ساتىبالدىعا قىلمىستىق كودەكستىڭ ەكى بابى «الداۋ نەمەسە سەنىمگە قيانات جاساۋ جولىمەن مۇلىكتىك زالال كەلتىرۋ»، «سەنىپ تاپسىرىلعان بوتەن مۇلىكتى يەمدەنۋ نەمەسە تالان-تاراجعا سالۋ» باپتارى بويىنشا ايىپ تاعىلعان بولاتىن. ول پروسەسس بارىسىندا تاعىلعان ايىپتى مويىندادى.
سونداي-اق ساتىبالدى 10 جىل بويى مەملەكەتتىك قىزمەتتە جۇمىس ىستەي المايدى. ول «قۇرمەت» پەن «پاراسات» وردەندەرىنەن ايىرىلدى.
ول جازاسىن شىعىس قازاقستاندا ورنالاسقان وۆ-156/20 كولونياسىندا وتەپ جاتىر.