«مەملەكەت باسشىسى 2029 جىلعا دەيىن ءىجو-نى 450 ملرد دوللارعا جەتكىزۋ مەجەسىن قويعان. وعان جەتۋ ءۇشىن 10 پايىزدىق ءوسىم قاجەت»، – دەگەن مالىمدەمە جاسادى قارجىگەر ماقسات حالىق الەۋمەتتىك جەلىدەگى پاراقشاسىندا، -دەپ حابارلايدى almaty-akshamy.kz.
بىزدە ءىجو 5 پايىزعا ءوسىپ جاتىر. جان باسىنا شاققانداعى ءىجو 13 300 دوللارعا جەتىپ، ەلىمىزدىڭ تابىسى ورتاشادان جوعارى ەلدەردىڭ قاتارىنا قوسىلدى.
الەمدىك ستاندارتتتار بويىنشا ءىجو 10 000 دوللاردان تومەن بولسا كەدەي ەل، ال 10 000-12 000 دوللار اراسىندا تابىسى ورتاشا، ال 12 000-20 000 اراسى تابىسى ورتاشادان جوعارى دەپ باعالانادى.
«ال ەكىنشى ءبىر كورسەتكىش ەنگەل زاڭى بويىنشا، ەگەر حالىق تابىسىنىڭ جارتىسىن ازىق-تۇلىككە جۇمساسا، كەدەي ەل دەپ ەسەپتەلەدى. بۇل كورسەتكىش بويىنشا حالقىمىز ءالى كەدەي ەلدەردىڭ لەگىندە، تابىسىنىڭ كوپ بولىگىن (50%-TengeLife) ازىق-تۇلىككە جۇمسايدى»، -دەيدى قارجىگەر.
دەمەك، ىجو-مەن حالىقتىڭ ءال-اۋقاتى اراسىندا بايلانىس جوق بولىپ تۇر.