2 مامىردان باستاپ سوت ورىنداۋشىلارى اۆتوكولىك قۇرالدارىنا بىرنەشە مينۋت ىشىندە ەلەكتروندىق تاسىلمەن تىيىم سالىپ نەمەسە ونى الىپ تاستاي الاتىن بولدى. بۇل تۋرالى ق ر ادىلەت مينيسترلىگىنىڭ رەسمي وكىلى تالعات ءۋالي ايتتى، دەپ حابارلايدى Almaty-akshamy.kz.
بۇل قىزمەت ادىلەت مينيسترلىگىنىڭ Digital Justice جوبالار پورتفەلى شەڭبەرىندە مەملەكەت باسشىسىنىڭ تاپسىرماسىن ورىنداۋ ماقساتىندا ىسكە قوسىلدى. جوبانى ادىلەت مينيسترلىگى، رەسپۋبليكالىق جەكە سوت ورىنداۋشىلار پالاتاسى، ىشكى ىستەر مينيسترلىگى، باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتى بىرلەسىپ ازىرلەدى.
تالعات ءۋاليدىڭ ايتۋىنشا، وسى جوبانى ەنگىزۋدىڭ ارقاسىندا سوت ورىنداۋشىلارى مەن ىشكى ىستەر ورگاندارى اراسىنداعى قاعاز قۇجات اينالىمى قىسقارتىلدى. اۆتوكولىك قۇرالدارىنان تىيىم سالۋدى الۋ ونلاين تولەمنەن كەيىن اۆتوماتتى تۇردە جۇرگىزىلەدى. سونداي-اق، سوت ورىنداۋشىلارىنىڭ قاۋلىلارىن وڭدەۋدە ادامي فاكتور جويىلدى.
«بۇدان باسقا، ونلاين تولەم جاساعاننان كەيىن ىشكى ىستەر ورگاندارىنا اۆتوكولىك قۇرالدارىنان شەكتەۋدى الىپ تاستاۋ ءۇشىن قاۋلىنى جىبەرۋ بويىنشا سوت ورىنداۋشىلارىنا جۇگىنۋ قاجەتتىگى جوق، ويتكەنى بارلىق قاجەتتى ىس-ارەكەتتەر اۆتوماتتى تۇردە ەلەكتروندىق فورماتتا جۇرگىزىلەتىن بولادى»،- دەپ اتاپ ءوتتى رەسمي وكىل.