«سوروس-قازاقستان» قورى جۇمىسىن توقتاتتى

28 جىلدىق جۇمىسىنان كەيىن سوروس-قازاقستان قورى CAPS Unlock (Central Asian Policy Studies) ورتالىق ازياداعى پروبلەمالاردى شەشۋگە ءتيىمدى امالدار ۇسىنۋعا ارنالعان ساراپتاما-اناليتيكا حابىنا اينالادى، دەپ حابارلادى اlmaty-akshamy.kz informburo.kz-كە سىلتەمە جاساپ. 

CAPS Unlock قولدانبالى زەرتتەۋلەر جاساپ، كۇرمەۋى شەشىلمەگەن ماسەلەلەر توڭىرەگىندە پىكىرتالاستار ۇيىمداستىرادى. ونىڭ ىشىندە الەۋمەتتىك-ەكونوميكالىق تەڭسىزدىك، سيفرلىق دەموكراتيا، ءبىلىم بەرۋ، كليماتتىڭ وزگەرۋى، ورتالىق ازيانىڭ گەوساياسي جانە گەوەكونوميكالىق كەلبەتى سەكىلدى سالالار قامتىلادى. سونىمەن قاتار بىرەگەيلىك، تاريحي ەستەلىك جانە ايماقتاعى كولونيال ءومىردىڭ سالدارى سەكىلدى پروبلەمالار دا نازاردا بولادى. ورتالىق تەحنولوگيالىق تەندەنسيالاردى زەرتتەپ جانە ەسكەرىپ، ونىڭ ماڭىزدى سالالارعا ىقپالىن بولجايدى.

«ورتالىق ازيا ەلدەرىنىڭ ءبارى مۇحيتقا شىعا المايتىنى بەلگىلى: ايتسە دە بۇل ءبىزدىڭ زەرتتەۋشىلەردىڭ الەمدىك ويلارعا، دەباتتار مەن ساراپشىلارمەن پىكىر الماسۋعا مۇمكىندىگىن ارتتىرادى دەگەن سەنىمدەمىز. وسى ماقساتتا ءبىز ايماقتى الاڭداتاتىن پروبلەمالار بويىنشا تاۋەلسىز زەرتتەۋلەردى العا جىلجىتىپ، ەلدەرىمىزدەگى عالىمدار مەن مامانداردى الەمدەگى باسقا ارىپتەستەرىمەن بىرىكتىرەمىز، ساراپشىلار اراسىندا ونلاين جانە وففلاين فورماتتا پىكىرتالاستار ۇيىمداستارىمىز»، – دەدى CAPS Unlock اتقارۋشى ديرەكتورى ايدا ايدارقۋلوۆا.

ورتالىق زەرتتەۋلەرىنىڭ تاقىرىپتىق باعىتتارى ايماقتاعى اشىق قوعامنىڭ دامۋى ءۇشىن ماڭىزدى ماسەلەلەر بويىنشا انىقتالادى. 

CAPS Unlock ديالوگ الاڭىن دامىتۋ، ساپالى زەرتتەۋلەر جۇرگىزۋ جانە ۇسىنىس دايىنداۋ، سونىمەن قاتار ايماقتاعى ساراپتامالىق قاۋىمداستىقتى نىعايتۋ ارقىلى ورتالىق ازياداعى اشىق قوعام قۇرۋدى قولداۋدى ءوزىنىڭ ميسسياسى سانايدى. 

ايماقتىق اناليتيكالىق ورتالىق (think tank) قۇرۋ اشىق قوعام قورلار جەلىسىنىڭ جاھاندىق وزگەرۋىنىڭ ءبىر بولىگى سانالادى. قولدانبالى زەرتتەۋلەر، ۇسىنىستار كريزيستى جانە پوست-كريزيس كەزەڭدەگى پروبلەمالاردى شەشۋدىڭ ەڭ جاقسى جولىن تابۋعا باعىتتالعان. پاندەميا، سوعىس جانە باسقا دا فاكتورلاردىڭ ىقپالىمەن بولعان جاھاندىق داعدارىس  حالىقتىڭ ءومىر ساپاسىنا دا اسەر ەتەتىنى ءسوزسىز جانە ەڭ بىرىنشىدەن حالىقتىڭ وسال تۇستارىنا ىقپال ەتەدى. CAPS  Unlock ۇسىنىستارى قوعامنىڭ وسى سەگمەنتتەرىنىڭ قۇقىقتارى مەن مۇددەلەرىن قورعايدى. 

ورتالىق بۇۇ مەن ەىدۇ سەكىلدى حالىقارالىق ينستيتۋتتارمەن ارىپتەس بولۋعا دايىن. CAPS Unlock ايماقتا دا، ەۋروپا، سولتۇستىك امەريكا مەن ازيا ەلدەرىندەگى اناليتيكالىق ورتالىقتارمەن دە ارىپتەستىك ورناتادى. 

ۇيىمنىڭ قامقورشىلىق كەڭەسىنە قازاقستان، قىرعىزستان، وزبەكستان جانە تاجىكستانداعى بەدەلدى ساراپشىلار كىردى: 

• گۇلنورا بەكنازاروۆا، الەۋمەتتانۋشى، فيلوسوفيا عىلىمدارىنىڭ كانديداتى، «زەركالو» قق ديرەكتورى، تاجىكستان؛


• جۇلدىز سماعۇلوۆا، PhD، فيلولوگيا عىلىمدارىنىڭ كانديداتى، كيمەپ ۋنيۆەرسيتەتى ءبىلىم بەرۋ جانە گۋمانيتارلىق عىلىمدار فاكۋلتەتىنىڭ دەكانى، قازاقستان؛


• مەدەت تيۋلەگەنوۆ، PhD، ساياساتتانۋشى، ورتالىق ازيا ۋنيۆەرسيتەتى «ازاماتتىق قوعام باستامالارى» ورتالىعىنىڭ باس عىلىمي قىزمەتكەرى؛


• يۋليي يۋسۋپوۆ، ەكونوميست، Center for Economic Development ديرەكتورى، وزبەكستان.

سوروس-قازاقستان قورى 28 جىلدا دەنساۋلىق ساقتاۋ، ءبىلىم بەرۋ جانە عىلىم، ادام قۇقىقتارىن قورعاۋ، مەملەكەت قارجىسىنىڭ اشىقتىعى جانە ەسەپتىلىگى، حالىقتىڭ وسال توپتارىنىڭ مۇددەسىن قورعاۋ، باسپا ءسوز قۇرالدارىن، ەكونوميكالىق رەفورمالاردى قولداۋ سالالارىندا گرانت رەتىندە 100 ميلليوننان استام اقش دوللارىن ءبولدى.