توتەنشە جاعدايلار دەپارتامەنتىنىڭ تاۋ-ورمان ورتتەرىن سوندىرۋگە دايىندىعىن، رۇقسات ەتىلمەگەن ورىنداردا وت جاققانى ءۇشىن جاۋاپكەرشىلىك جانە ءتىلسىز جاۋدىڭ الدىن الۋ تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى تجد مەملەكەتتىك ءورت باقىلاۋ باسقارماسىنىڭ باسشىسى دانيار ءجۇسىپوۆ پەن «ىلە الاتاۋى مەملەكەتتىك ۇلتتىق تابيعي پاركى» رمم ورماندى قالپىنا كەلتىرۋ جانە جاڭعىرتۋ ءبولىمىنىڭ باسشىسى رايحان مۇحامەتجانوۆا ايتىپ بەردى، - دەپ حابارلايدى almaty-akshamy.kz
الماتىدا كۇن جىلىسىمەن ورتكە ءقاۋىپتى كەزەڭ باستالدى. وسىعان بايلانىستى الماتى قالاسىنىڭ تج جونىندگى دەپارتامەنتى ءورتتىڭ الدىن الۋ مەن سوندىرۋگە قاتىستى ءىس-شارالار كەشەنىن جۇرگىزۋدە.
باسقارما جەرگىلىكتى اتقارۋشى ورگاندارمەن بىرلەسە وتىرىپ، قۇرعاق وسىمدىك جامىلعىسى (250 گا) جانە مينەرالدانعان جولاقتاردى قۇرۋ (85 كم) بويىنشا جۇمىستاردى جۇرگىزۋ قاجەت اۋماقتاردى انىقتادى. ءقازىردىڭ وزىندە جول بويىنداعى 10 شاقىرىم جەر جىرتىلىپ، قالاعا ىرگەلەس اشىق الاڭقايلار، سونداي-اق جالپى الاڭى 15 گا قۇرعاق وسىمدىك باۋرايى جىرتىلدى.
ىرگەلەس اشىق الاڭقايلار، سونداي-اق جالپى الاڭى 15 گا اۋماقتا قۇرعاق وسىمدىك باۋرايى جىرتىلدى.
«سونىمەن قاتار، تابيعي ورتتەردى ءسوندىرۋ ءۇشىن 13 ادامنان تۇراتىن(2 بىرلىك جول تالعامايتىن تەحنيكا، 7 اسپالى ءورت سوندىرگىش، 25 پەتاردا، 20 كۇرەك) ءبىر تاۋلىك بويىنا كەزەكشىلىك ەتەتىن تابيعي ورتتەردى ءسوندىرۋ ءۇشىن بىرىكتىرىلگەن جەدەل ارەكەت ەتۋ توبى قۇرىلدى. تابيعي ورتتەردىڭ ورىن الۋى تۋرالى قوڭىراۋ تۇسكەن كەزدە دەپارتامەنتتىڭ كۇشتەرى مەن قۇرالدارى №2 جوعارىلاتىلعان شاقىرۋ رازريادىنا جىبەرىلەدى»، - دەدى د.ءجۇسىپوۆ.
سونداي-اق جول تالعامايتىن تەحنيكالار، اسپالى ءورت سوندىرگىشتەر، الماتى قالالىق قۇتقارۋ قىزمەتىنىڭ اۆياسيالىق بولىمشەسى دايىندىقتان ءوتتى.
ر.مۇحامەتجانوۆانىڭ كەلتىرگەن دەرەكتەرى بويىنشا، وتكەن جىلى ىلە الاتاۋى ۇلتتىق پاركىنىڭ اۋماعىندا 10 ورمان ءورتى تىركەلدى.
توتەنشە جاعدايلار دەپارتامەنتى دەمالۋشىلاردىڭ نازارىنا ىلە-الاتاۋ ۇلتتىق ساياباعىندا ىستىق تاماق ءپىسىرۋ ءۇشىن ارنايى جابدىقتالعان 14 ورىن بار ەكەنىن ەسكە سالادى: 12 ورىن المااراسان شاتقالىنىڭ اۋماعىندا، ۇلكەن الماتى جانە كازاچكا وزەندەرىنىڭ بويىندا، 2 ورىن بۋتاكوۆكادا.
«ايتا كەتەتىن جايت، ەرەكشە قورعالاتىن تابيعي ايماقتاردىڭ اۋماقتارىندا جانە ارنايى بەلگىلەنبەگەن جەرلەردە ءورت تۇتاندىرعانى ءۇشىن ورمان شارۋاشىلىعى مەكەمەلەرىنىڭ قىزمەتكەرلەرى قازاقستان رەسپۋبليكاسىنىڭ «اكىمشىلىك قۇقىق بۇزۋشىلىق تۋرالى» كودەكستىڭ 367-بابىنا سايكەس اكىمشىلىك ايىپپۇل سالۋعا قۇقىلى. جەكە تۇلعالارعا سالىناتىن ايىپپۇل مولشەرى 10-نان 100 اەك-كە دەيىن وزگەرىپ تۇرادى»، - دەدى د.ءجۇسىپوۆ.
توتەنشە جاعدايلار دەپارتامەنتى تۇرعىنداردى تاۋلى ورمان القاپتارىندا قاراپايىم ءورت قاۋىپسىزدىگى ەرەجەلەرىن ساقتاۋعا شاقىرادى:
- ءورتتىڭ تۋىنداۋىنا سەبەپ بولۋى مۇمكىن قوقىس زاتتارىن دەمالىس ورىندارىندا قالدىرماۋ، وزدەرىنەن كەيىن تازالاپ كەتۋ؛
- تۇتانعان سىرىڭكە، تەمەكى تۇقىلىن لاقتىرماۋ، قۇرعاق ءشوپتى تۇتاتپاۋ؛
- ارنايى جاسالماعان ورىنداردا وت جاعۋعا بولمايدى، وسى ماقساتتا مانگال جانە باسقا دا تاماق ءپىسىرۋ قۇرالدارىن قولدانباۋ كەرەك.