قىزىلوردادا ءجاسوسپىرىمدى سوققىعا جىققان 5 وقۋشى پوليسياعا جەتكىزىلدى.
قىزىلوردا وبلىسى قازالى اۋدانىنىڭ دارىگەرلەرى اياۋسىز سوققىعا جىعىلعان ءجاسوسپىرىمنىڭ جاعدايىن ايتتى، دەپ حابارلايدى اlmaty-akshamy.kz.
وبلىستىق دەنساۋلىق ساقتاۋ باسقارماسىنىڭ مالىمەتىنشە، 15 جاستاعى ستۋدەنت "جەدەل جاردەممەن" اۋرۋحاناعا 6 ساۋىردە جەتكىزىلگەن. ول باس-مي جاراقاتىن العان.
«جابىرلەنۋشى دەرەۋ اۋرۋحانانىڭ قابىلداۋ بولىمىندە قارالىپ، باس-مي جاراقاتىمەن حيرۋرگيالىق بولىمشەگە جاتقىزىلدى. 8 ساۋىردە اتا-اناسىنىڭ ءوتىنىشى بويىنشا ول قازالى اۋداندىق تەمىرجول اۋرۋحاناسىنا جاتقىزىلدى»، - دەلىنگەن حابارلامادا.
دارىگەرلەردىڭ ايتۋىنشا، زارداپ شەگۋشىگە ءتيىستى مەديسينالىق كومەك كورسەتىلىپ، باس سۇيەگىنىڭ رەنتگەنوگرافياسى مەن كومپيۋتەرلىك توموگرافياسى جاسالىپ، ءىش قۋىسىنىڭ، بۇيرەكتىڭ ۋلترادىبىستىق زەرتتەۋى جۇرگىزىلگەن. سونداي-اق ول نيەۆروپاتولوگ پەن وفتالمولوگقا قارالىپ، نەيروحيرۋرگتىڭ كەڭەسىن العان.
«جالپى جاعدايى تۇراقتى جانە اۋىر. قاجەتتى مەديسينالىق شارالار جالعاسادى»، - دەپ قوستى وبلىستىق دەنساۋلىق ساقتاۋ باسقارماسىنىڭ وكىلى.
وقيعاعا قازالى اۋداندىق اكىمدىگى جاۋاپ بەردى. اكىمدىكتىڭ رەسمي جاۋابىندا وقيعانىڭ بارلىق ءمان-جايى انىقتالىپ جاتقانى ايتىلعان.
«توبەلەسكە قاتىسۋشىلار انىقتالدى. ولاردىڭ بارلىعى - قازالى اۋدانى، ايتەكە بي كەنتىندەگى №266 مەكتەپ-ليسەيدىڭ كامەلەتتىك جاسقا تولماعان وقۋشىلارى»، - دەلىنگەن اكىمدىك حابارلاماسىندا.
ايتا كەتەلىك، الەۋمەتتىك جەلىدە ءجاسوسپىرىمدى بەلگىسىز ازاماتتاردىڭ ۇرىپ-سوعىپ جاتقانى جونىندە بەينەكورىنىس جاريالانعان ەدى.
ناتيجەسىندە، بەينەروليكتە كورسەتىلگەن كامەلەتكە تولماعاندى ۇرىپ-سوققان ادامدار انىقتالعان. قىزىلوردا وبلىسىندا ءجاسوسپىرىمدى ۇرىپ-سوققان 5 وقۋشى انىقتالىپ، اۋداندىق پوليسيا بولىمىنە جەتكىزىلدى.
«بۇل بويىنشا قازالى اۋدانى پوليسيا ءبولىمىنىڭ سوتقا دەيiنگi تەرگەپ تەكسەرۋدىڭ ءبىرىڭعاي تىزىلىمىنە ق ر قىلمىستىق كودەكسىنىڭ 293-بابىنىڭ 2-بولىگىمەن (بۇزاقىلىق) ءىس تىركەلدى. تەرگەۋ ءجۇرىپ جاتىر. ءتيىستى ساراپتامالار تاعايىندالدى. كۇدىكتىلەر پوليسيا بولىمىنە جەتكىزىلدى»، - دەپ ءمالىم ەتتى قىزىلوردا وبلىستىق پوليسيا دەپارتامەنتىنەن.
بۇل فاكت بويىنشا تەرگەۋ باستالدى.