شىمكەنتتە جۇرگىزۋشىسى جوق اۆتوبۋس 4 ادامدى قاعىپ ءولتىردى
شىمكەنتتە جۇرگىزۋشىسى جوق اۆتوبۋس 6 ادامدى قاعىپ كەتتى، دەپ حابارلايدى اlmaty-akshamy.kz Polisia.kz سىلتەمە جاساپ.
8 ءساۋىر كەشكى ساعات 18:30 شاماسىندا «مەترو» ساۋدا ءۇيىنىڭ جانىنداعى ەكى كوشەنىڭ قيىلىسىندا جۇرگىزۋشىسى جوق اۆتوبۋس قارسى باعىتقا شىعىپ كەتىپ، جاياۋ جۇرگىنشى جولاعىندا كەلە جاتقان 6 ادامدى قاققان.
سالدارىنان ەكى ايەل مەن ءجاسوسپىرىم وقيعا ورنىندا جانە كامەلەتكە تولماعان قىز جانساقتاۋ بولىمىندە كوز جۇمدى.
تاعى ەكى ادام اۋرۋحانادا جاتىر.
وقيعا ورنىنا جەتكەن شىمكەنت قالاسى پوليسيا دەپارتامەنتىنىڭ جەدەل تەرگەۋ توبى جۇرگىزۋشى سوڭعى ايالدامادان قارسى باعىتقا بۇرىلىپ، اۆتوبۋستى قول تەجەگىشىندە قالدىرىپ، كولىكتەن شىعىپ كەتكەنىن انىقتادى.
ءقازىر وقيعا ورنىندا تەرگەۋشىلەر مەن كريميناليستەر جۇمىس ىستەپ جاتىر.
ق ر قىلمىستىق كودەكسىنىڭ 345-بابىنىڭ 4-بولىگى بويىنشا سوتقا دەيىنگى تەرگەۋ باستالىپ، اۆتوبۋستىڭ جۇمىسقا جارامدىلىعىن تەكسەرۋ ءۇشىن اۆتوتەحنيكالىق ساراپتاما تاعايىندالدى.
جۇرگىزۋشى ۋاقىتشا يزولياتورعا قامالدى.