ءداستۇرلى تۇردە قازاقستاندىق استىق پەن ونى قايتا وڭدەۋ ونىمدەرى ءۇشىن نەگىزگى وتكىزۋ نارىقتارى ورتالىق ازيا، اۋعانستان، يران جانە جۇڭگو ەلدەرى بولىپ قالا بەرەدى.
سونىمەن قاتار، سوڭعى ءۇش جىلدا قحر-عا استىق جۇكتەرىنىڭ ەكسپورتى 5،7 ەسە ءوستى، دەپ حابارلايدى aqshamnews.kz اۋىل شارۋاشىلىعى مينيسترلىگىنە سىلتەمە جاساپ.
«قازاقستان تەمىر جولى» ۇلتتىق كومپانياسىنىڭ دەرەكتەرى بويىنشا اعىمداعى جىلدىڭ باسىنان باستاپ استىقپەن 582 مارشرۋتتىق پويىز قۇرىلىپ، جونەلتىلدى: 551 ەكسپرەسس-پويىز استىق جۇكتەرىن قىتايعا، تۇركمەنستانعا، يرانعا، رەسەيگە، وزبەكستانعا جەتكىزدى. ەل بويىنشا استىق جۇكتەرىن مارشرۋتتىق جونەلتىلىمدەرمەن تاسىمالداۋ ءۇشىن 31 قۇرام ۇيىمداستىرىلدى.
2024 جىلدىڭ سەگىز ايىنىڭ قورىتىندىسى بويىنشا استىقتىڭ تەمىرجول تاسىمالى 5،4 ملن توننادان استى، ونىڭ ىشىندە 4،2 ملن توننا ەكسپورتتالدى.
سونداي-اق 2،3 ملن توننا استىق وڭدەۋ ونىمدەرى تاسىمالداندى، بۇل وتكەن جىلدىڭ سايكەس كەزەڭىمەن سالىستىرعاندا 17،4%-عا ارتىق. قايتا وڭدەۋ ونىمدەرىنىڭ ەكسپورتى 20%-عا 1،8 ملن تونناعا دەيىن، ال ىشكى تاسىمالدار 9%-عا 500 مىڭ تونناعا دەيىن ءوستى.
2024 جىلدىڭ قىركۇيەگىندە اقتاۋ پورتى ارقىلى اۋىل شارۋاشىلىعى ونىمدەرىن تاسىمالداۋ ءۇش ەسەگە-90 مىڭ تونناعا دەيىن ۇلعايدى. قازان ايىندا 212 مىڭ توننا تاسىمالداۋ جوسپارلانۋدا.