سوڭعى ءۇش جىلدا الماتى قالاسى الەۋمەتتىك-ەكونوميكالىق دامۋدىڭ تۇراقتى وڭ سەرپىنىن كورسەتىپ كەلەدى
2024 جىلى الماتى ەكونوميكاسى 2021 جىلمەن سالىستىرعاندا 20،7%-عا ءوستى. جان باسىنا شاققانداعى جالپى وڭىرلىك ءونىم (ءجوو) 56،6%-عا ارتىپ، 27 557 اقش دوللارىنا جەتتى (2021 جىلى – 17 595 اقش دوللارى).
الماتى قازاقستاننىڭ ينۆەستيسيالىق ورتالىعى مارتەبەسىن ساقتاپ وتىر. 2022–2024 جىلدار ارالىعىندا قالا ەكونوميكاسىنا نەگىزگى كاپيتالعا شامامەن 5،2 ترلن تەڭگە ينۆەستيسيا تارتىلىپ، بۇل 2021 جىلمەن سالىستىرعاندا 52،4%-عا ارتقان.
شاعىن جانە ورتا بيزنەس (شوب) الماتىنىڭ ەكونوميكالىق دامۋىنىڭ نەگىزگى قوزعاۋشى كۇشى بولىپ تابىلادى. شوب-تىڭ قالا ەكونوميكاسىنداعى ۇلەسى 2021 جىلعى 47،5%-دان 2024 جىلى 60،3%-عا دەيىن ءوستى.
شوب سەكتورى جۇمىسپەن قامتۋدىڭ باستى كوزى بولىپ قالا بەرەدى – مۇندا قالاداعى جۇمىسپەن قامتىلعان حالىقتىڭ 90%-ى نەمەسە 972،1 مىڭ ادام جۇمىس ىستەيدى.
2025 جىلى العاش رەت الماتى قالاسىنىڭ بيۋدجەتى 2،4 ترلن تەڭگەدەن استى. بۇل كورسەتكىش 2022 جىلدىڭ باسىمەن سالىستىرعاندا 2،3 ەسە جوعارى (2022 جىلى – 1 070 ملرد تەڭگە).
دامۋ بيۋدجەتى 622 ملرد تەڭگەگە دەيىن ۇلعايىپ، 2022 جىلمەن سالىستىرعاندا 2،9 ەسەگە ارتتى (2022 جىلى – 213 ملرد تەڭگە).