وقۋ جىلىنىڭ رەسمي اياقتالۋ كۇنى جەكسەنبىگە ءتۇسىپ تۇر.
وقۋ-اعارتۋ مينيسترلىگى قازاقستاندا سوڭعى قوڭىراۋ وتەتىن كۇن وزگەرگەنى تۋرالى حابارلادى، - دەپ حابارلايدى aqshamnews.kz
وقۋ جىلى ءداستۇرلى تۇردە 34 اپتاعا سوزىلىپ، اياقتالۋعا جاقىن. ۆەدومستۆونىڭ ستاتيستيكاسى بويىنشا، ەلىمىز بويىنشا 3،9 ميلليوننان استام وقۋشى وقۋ جىلىن قورىتىندىلايدى.
ولاردىڭ ىشىندە 217 مىڭنان استام ون ءبىرىنشى سىنىپ وقۋشىسى ءۇشىن بۇل مەكتەپپەن قوشتاسۋ كۇنى بولادى.
"وتكەن جىلعىداي، 23 مامىر – سوڭعى وقۋ كۇنىندە ەلىمىزدەگى بارلىق مەكتەپتە "ءبىلىمىم – وتانىمa" ۇرانىمەن ءبىرىڭعاي سىنىپ ساعاتى وتەدى. بۇل – بۇكىل ءبىلىم بەرۋ جۇيەسى ءۇشىن ماڭىزدى ءىس-شارا. ول وقۋشىلار مەن مۇعالىمدەرگە بىرلەسكەن جۇمىستىڭ قورىتىندىسىن شىعارۋعا، بىر-بىرىنە العىس ايتۋعا، اياقتالىپ جاتقان وقۋ جىلىنىڭ ەڭ ماڭىزدى ساتتەرىن ەسكە الۋعا مۇمكىندىك بەرەدى. بيىل وقۋ جىلىنىڭ رەسمي اياقتالۋ كۇنى جەكسەنبىگە ءتۇسىپ تۇرعاندىقتان، 11-سىنىپ تۇلەكتەرىنە ارنالعان سالتاناتتى ءىس-شارالار مەكتەپ اكىمشىلىگىنىڭ شەشىمى بويىنشا 23 نەمەسە 24 مامىردا وتەدى"، – دەپ حابارلادى ۆەدومستۆوداعىلار.