2023 جىلعى 16 ناۋرىزدا وتكەن تۇركى مەملەكەتتەرى ۇيىمىنىڭ كەزەكتەن تىس سامميتىندە وزبەكستان پرەزيدەنتى شاۆكات ميرزيويەۆ تابيعي اپاتتار كەزىندە ارەكەت ەتەتىن مامانداندىرىلعان حالىقارالىق قۇرىلىمدارمەن ىنتىماقتاستىقتى كۇشەيتۋ قاجەتتىگىنە باسا نازار اۋدارعان ەدى.
سامميت بارىسىندا ول جەر سىلكىنىسى قۇرباندارىن ەسكە الۋ جانە تابيعي اپاتتارعا قارسى حالىقارالىق كۇش بىرىكتىرۋدىڭ ماڭىزدىلىعىن اتاپ ءوتىپ، ەسكە الۋ جانە ىنتىماقتاستىق كۇنىن بەلگىلەۋدى ۇسىندى، دەپ حابارلايدى aqshamnews.kz.
اتالعان باستاما 2025 جىلى ءوز ناتيجەسىن بەردى. 29 ساۋىردە نيۋ-يوركتەگى بىرىككەن ۇلتتار ۇيىمىنىڭ شتاب-پاتەرىندە بۇۇ باس اسسامبلەياسى وزبەكستاننىڭ ۇسىنىسىمەن 29 ءساۋىردى حالىقارالىق جەر سىلكىنىسى قۇرباندارىن ەسكە الۋ كۇنى دەپ جاريالاۋ جونىندەگى قاراردى قابىلدادى. قاراردى الەمنىڭ ءار تۇكپىرىنەن 80-نەن استام مەملەكەت بىرلەسىپ قولدادى.
بۇل كۇن العاش رەت 2026 جىلدىڭ 29 ساۋىرىندە اتالىپ وتەدى. تاڭدالعان داتا — 1966 جىلى تاشكەنتتە بولعان جويقىن جەر سىلكىنىسىنىڭ 60 جىلدىعىمەن سايكەس كەلەدى.