ق ر پرەمەر-مينيسترى ءاليحان سمايىلوۆ ينۆەستيسيالىق شتابتىڭ وتىرىسىن وتكىزدى، ونىڭ بارىسىندا ينۆەستيسيالىق كەلىسىمشارتتار بويىنشا مەملەكەتتىك زاتتىق گرانتتار تۇرىندە جەر تەلىمدەرىن بەرۋ ماسەلەلەرى قارالدى، دەپ حابارلايدى Almaty-akshamy.kz.
سىرتقى ىستەر ءمينيسترىنىڭ ورىنباسارى الماس ايداروۆتىڭ بايانداۋىنشا، مەملەكەتتىك زاتتىق گرانتتار قىزمەتتىڭ باسىم تۇرلەرىنىڭ تىزبەسى بويىنشا تاۋارلاردى ءوندىرۋ سالاسىندا دا، قىزمەت كورسەتۋ سالاسىندا دا بەرىلەدى جانە ساۋدا-ساتتىق (اۋكسيونداردى) جۇرگىزۋدى تالاپ ەتپەيتىن ەرەكشە جاعدايلارعا جاتادى.
زاتتىق گرانتتاردى اكىمدىكتەر اۋىل شارۋاشىلىعى مينيسترلىگىنىڭ جەر رەسۋرستارىن باسقارۋ كوميتەتىمەن كەلىسە وتىرىپ بولەدى.
2005 جىلدان باستاپ 2023 جىلدىڭ ماۋسىمىنا دەيىن ق ر سىرتقى ىستەر مينيسترلىگىنىڭ ينۆەستيسيا كوميتەتى 1438 ينۆەستيسيالىق كەلىسىمشارتقا قول قويدى، ونىڭ 216-سى بويىنشا زاتتىق گرانتتار تۇرىندە جەر بەرىلگەن جانە 37 مىڭنان استام جۇمىس ورنى قۇرىلعان.
وسى كەلىسىمشارتتار شەڭبەرىندە 2،2 ترلن تەڭگە سوماسىنا ينۆەستيسيالار تارتىلدى، ونىڭ ىشىندە قىزمەت كورسەتۋ سالاسىندا (قويما ورىندارى، ءبىلىم بەرۋ، دەنساۋلىق ساقتاۋ، قوناق ءۇي قىزمەتتەرى، جولاۋشىلار تاسىمالى سالاسىنداعى نىسانداردىڭ قۇرىلىسى) 125 كەلىسىمشارت جاسالدى.
پرەمەر-مينيستر وتىرىستى قورىتىندىلاي وتىرىپ، مەملەكەت باسشىسى قاسىم-جومارت توقايەۆتىڭ ينۆەستيسيا تارتۋ مەن بيزنەستى قولداۋعا ەرەكشە كوڭىل ءبولىپ وتىرعانىن اتاپ ءوتتى. ۇكىمەت تە وسى باعىتتار بويىنشا بەلسەندى جۇمىس جۇرگىزىپ كەلەدى.
وسىعان وراي، ءاليحان سمايىلوۆ جاۋاپتى مەملەكەتتىك ورگاندارعا زاتتىق گرانتتار تۇرىندە جەر تەلىمدەرىن بەرۋدەگى قۇقىق قولدانۋ تاجىريبەسىن جەتىلدىرۋ ماقساتىندا نورماتيۆتىك قۇقىقتىق اكتىلەردى وزەكتەندىرۋدى تاپسىردى.
