ەندى شەتەلدىك ازامات دەپورتاسيالانۋى مۇمكىن
باتىس قازاقستان وبلىسىندا سوماليدەن كەلگەن تامادا ۇستالدى، دەپ حابارلايدى Almaty-akshamy.kz بقو پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
دەپارتامەنت مالىمەتىنشە، 25 جاستاعى شەتەلدىك اقتوبەدەن ورال قالاسىنا بارار جولدا، سىرىم اۋدانىندا قولعا تۇسكەن. شەتەلدىك ازامات الماتى قالاسىنداعى جوعارى وقۋ ورىندارىنىڭ ءبىرىنىڭ ستۋدەنتى بولىپ شىقتى. ونىڭ ايتۋىنشا، قازاقستاندا 2019 جىلدان بەرى تۇرادى. الماتىداعى جوو-دا باعدارلاماشى ماماندىعى بويىنشا وقيدى.
«وسى ۋاقىت ىشىندە سوماليلىك جىگىت ءتىلدى جاقسى مەڭگەرىپ، سالتاناتتى ءىس-شارالارعا قاتىسىپ، اقشا تاۋىپ جۇرگەن. ونىڭ ۆيزاسىنىڭ ۋاقىتى بىتكەن، سونىڭ نەگىزىندە ق ر كوشى-قون زاڭناماسىن بۇزۋ دەرەگى بويىنشا حاتتاما جاسالدى. ماتەريال سوتقا جىبەرىلدى. ەندى شەتەلدىك ازامات دەپورتاسيالانۋى مۇمكىن»، - دەلىنگەن حابارلامادا.