الداعى كۇندەرى نوسەر جاۋىننىڭ ارتى قارعا ۇلاسىپ، 12 گرادۋسقا دەيىن اياز بولادى، دەپ حابارلايدى almaty-akshamy.kz "قازگيدرومەتكە" سىلتەمە جاساپ.
اتموسفەرالىق فرونتتاردىڭ اسەرىنەن قازاقستاننىڭ باسىم بولىگىندە اۋا رايىنىڭ تۇراقسىز سيپاتى كورىنىس بەرەدى - 6-8 ساۋىردە وڭتۇستىكتە، 7-8 ساۋىردە وڭتۇستىك-شىعىستا كەي ۋاقىتتا قاتتى جاڭبىر جاۋادى.
7 ساۋىردە سكانديناۆيا اۋداندارىنان سولتۇستىك-باتىس انتيسيكلوننىڭ ىقپالىمەن ەلىمىزدىڭ سولتۇستىك-باتىسى مەن سولتۇستىگىندە اۋا تەمپەراتۋراسى كۇرت تومەندەيدى.
سونداي-اق جاڭبىردىڭ ارتى قارعا ۇلاسۋى مۇمكىن. رەسپۋبليكا بويىنشا جەل كۇشەيەدى، وڭتۇستىك وڭىرلەردە تۇمان تۇسەدى، شاڭدى داۋىل تۇرىپ، نايزاعاي وينايدى، سولتۇستىكتە، سولتۇستىك-باتىستا كوكتايعاق بولجانادى. سولتۇستىك پەن سولتۇستىك-باتىستا اۋا تەمپەراتۋراسى تۇندە 2-12 گرادۋس اياز، كۇندىز 5- 7 گرادۋس جىلى بولادى.