الماتىدا مۇعالىمدەر بايقاۋى وتەدى. Almaty Ustazy بايقاۋىنا قاتىسۋ ءۇشىن تىركەۋ اشىق
الماتىدا Almaty ustasy بايقاۋىنىڭ ءبىرىنشى كەزەڭىنە https://almatyustazy-2023.kz پلاتفورماسىندا تىركەلۋ باستالدى، ول 2023 جىلدىڭ 14 ساۋىرىنە دەيىن جالعاسادى، - دەپ حابارلايدى Almaty-akshamy.kz.
بايقاۋدىڭ باس جۇلدەسى – 5 ملن تەڭگە، سونىمەن قاتار بەس فيناليست فينليانديانىڭ حەلسينكي قالاسىندا ءبىلىم بەرۋ تاعىلىمداماسىنا بارا الادى. تاعىلىمداما بارىسىندا مۇعالىمدەر وقىتۋدىڭ جاڭا ادىستەرىن يگەرەدى، پراكتيكالىق تاجىريبە الماسادى جانە وزىق مەكتەپتەردىڭ جۇمىسىمەن تانىسادى.
بايقاۋعا الماتى قالاسىنىڭ مەملەكەتتىك ءبىلىم بەرۋ ۇيىمدارىنىڭ نەگىزگى پاندەرىنىڭ 1-11- سىنىپتارىنىڭ 36 جاسقا دەيىنگى مۇعالىمدەرى قاتىسا الادى.
كونكۋرس بارىسىندا مۇعالىمدەر ءوز تاجىريبەلەرىنە نەگىزدەلگەن ويلارىمەن جانە پەداگوگيكالىق تۇجىرىمدارىمەن بولىسەدى، سونداي-اق جەكە ساباقتارىن وتكىزىپ، جەتىستىكتەرىن كورسەتەدى. بايقاۋ ءۇش كەزەڭدە وتەدى.
ءبىرىنشىسى – «مەنىڭ ءبىلىم بەرۋ فيلوسوفيام» تاقىرىبىندا مۋلتيمەديالىق ماقالا ازىرلەۋ.
ەكىنشى كەزەڭ – «ءمۇعالىم - كاسىبي مامان» بايقاۋ ساباعىن وتكىزۋ.
ءۇشىنشى كەزەڭ – «مەن – مۇعالىم-كوشباسشىمىن» تاقىرىبىندا اۆتورلىق شەبەرلىك ساباقتارىن وتكىزۋ (ءوزىنىڭ پەداگوگيكالىق تاجىريبەسى جانە كاسىبي شەبەرلىگىمەن تانىستىرۋ).
كونكۋرسقا قاتىسۋعا نيەت بىلدىرگەن پەداگوگتەر بەكىتىلگەن فورما بويىنشا قاتىسۋعا ءوتىنىم بەرۋى ءتيىس (كونكۋرسقا قاتىسۋشى تۋرالى جالپى مالىمەتتەر، لاۋازىمى، بىلىكتىلىگى، ءوتىلى، جۇمىس ورنىنان انىقتاما). تىركەلگەننەن كەيىن مۇعالىمدەر ءوز ماتەريالدارىن (مۋلتيمەديالىق ماقالانى) 2023 جىلدىڭ 14 ساۋىرىنە دەيىن جۇكتەۋى كەرەك. 2023 جىلعى 17-26 ءساۋىر ارالىعىندا ساراپتاما كوميسسياسى كەلىپ تۇسكەن ماتەريالداردى قارايدى.
«بىلتىرعا جىلى بەلسەندى قاتىسۋشىلار باستاۋىش سىنىپ مۇعالىمدەرى بولدى. ءقازىر ءبىزدىڭ مۇعالىمدەر بالالاردى قىزىقتىرۋ ءۇشىن يننوۆاسيالاردى پايدالانادى جانە ولاردىڭ مازمۇنىن جاسايدى. بايقاۋ قالانىڭ مەملەكەتتىك جالپى ءبىلىم بەرەتىن مەكتەپتەرىنىڭ دەڭگەيىن ارتتىراتىنىن اتاپ وتەمىن. الماتى وزىق ءبىلىم بەرۋ تەحنولوگيالارىنىڭ ورتالىعى بولۋعا ۇمتىلادى. بايقاۋ قازىرگى ءبىلىم بەرۋ جۇيەسىندەگى وقىتۋ ادىستەرىنە دەگەن كوزقاراستى ءوزىنىڭ جەكە ۇلگىسىمەن وزگەرتەتىن زاماناۋي جانە قۇزىرەتتى پەداگوگتەر قاۋىمداستىعىن قۇرادى. الماتى قالاسىنىڭ جاس مۇعالىمدەرى ءۇشىن بايقاۋعا قاتىسۋ - بۇل ءوزىنىڭ كاسىبي ءوسۋىنىڭ، سيفرلىق ءداۋىر جاعدايىندا جۇمىستىڭ جاڭا تاسىلدەرىن زەردەلەۋدىڭ جاڭا قادامى بولىپ تابىلادى»، - دەپ اتاپ ءوتتى الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆا.
تىركەۋگە، مۋلتيمەديالىق ماقالانى جۇكتەۋگە قاتىستى ناقتىلى سۇراقتار بويىنشا قاتىسۋشىلار اراسىندا حابار الماسۋ ءۇشىن Telegram – ارنانى پايدالانۋعا بولادى (https//t.me/اlmaty_ustazy_support).
بايقاۋ 2023 جىلدىڭ قازان ايىندا اياقتالادى. ايتا كەتەرلىگى، Almaty Ustazy بايقاۋى وسىمەن ەكىنشى جىل قاتارىنان وتۋدە.