جوعارى اۋديتورلىق پالاتانىڭ ءتوراعاسى ءاليحان سمايىلوۆ سۋبسيديالاردى ۇرلاۋ جولدارىن اشىپ كورسەتتى. ونىڭ ايتۋىنشا، ەڭ ءىرى زاڭبۇزۋشىلىقتار بويىنشا ماتەريالدار تەرگەۋ ورگاندارىنا جىبەرىلەدى، دەپ حابارلايدى aqshamnews.kz
«مىسالى، وڭتۇستىك وڭىرلەردە جانە ۇلىتاۋ وبلىسىندا 1 مىڭعا جۋىق ادام كاسىپكەرلىك ءۇشىن 1،5 ميلليارد تەڭگە سۋبسيديا العان. الايدا ولار سالىق ورگاندارىندا كاسىپكەر رەتىندە تىركەلمەگەن. بۇل دەگەنىمىز، سۋبسيديالار زاڭسىز العان تۇلعالارعا بەرىلگەن»، — دەپ اتاپ ءوتتى سمايىلوۆ.
سونداي-اق، تۇركىستان وبلىسىندا اۋىل شارۋاشىلىعى سالاسىندا 15 سۋبەكتىنىڭ 225 ميلليون تەڭگە كولەمىندە جالعان ينۆەستيسياعا سۋبسيديا العانى بەلگىلى بولدى. بۇل جاعدايدا جالعان شوت-فاكتۋرالار جاسالعان.
اباي وبلىسىندا 2 كاسىپورىن ساتىپ الىنباعان اۋىل شارۋاشىلىعى تەحنيكاسىنا 131 ميلليون تەڭگە سۋبسيديا العان. مۇنداي ارەكەتتەر جالعان اقپارات بەرۋ ارقىلى جاسالعان.
ءاليحان سمايىلوۆ بۇل جاعدايلار بويىنشا جاۋاپتى باسشىلاردىڭ جاۋاپكەرشىلىككە تارتىلىپ جاتقانىن ايتتى.