بايقاۋ 13-18 شىلدە ارالىعىندا وتەدى
ۆيتەبسكىدەگى سلاۆيان بازارى» XXXI حالىقارالىق ونەر فەستيۆالىنىڭ «ۆيتەبسك-2022» ەسترادا انشىلەرىنىڭ حالىقارالىق بايقاۋىندا ەرىك تولەنوۆ (ساحنالىق ەسىمى Kyle Ruh)، ال بالالار بايقاۋى اياسىندا الينۇر حامزين ونەر كورسەتەدى. بۇل تۋرالى Almaty-akshamy.kz مادەنيەت جانە سپورت مينيسترلىگىنە سىلتەمە جاساپ حابارلايدى.
«ۆيتەبسكىدەگى سلاۆيان بازارى» XXXI حالىقارالىق ونەر فەستيۆالىنىڭ «ۆيتەبسك-2022» ەسترادا انشىلەرىنىڭ حالىقارالىق بايقاۋىندا پ.چايكوۆسكيي اتىنداعى الماتى مۋزىكا كوللەدجىنىڭ وقىتۋشىسى ەرىك تولەنوۆ (ساحنالىق ەسىمى Kyle Ruh)، ال بالالار بايقاۋى اياسىندا الينۇر حامزين ونەر كورسەتەدى. بايقاۋ 13-18 شىلدە ارالىعىندا وتەدى، وعان 24 ەلدىڭ وكىلى قاتىسادى.
«ءداستۇرلى تۇردە انشىلەرىمىز جوعارى ورىندارعا يە بولىپ، وسى بەدەلدى فەستيۆالدە ەلىمىزدى ابىرويمەن تانىستىرىپ كەلەدى. ارينە وسىناۋ تولايىم تابىس ارتيستەر مەن ولاردىڭ وقىتۋشىلارى اتقارعان اۋقىمدى جۇمىستىڭ دالەلى. وتاندىق ۆوكال مەكتەبى بيىلعى جىلى دا جوعارى دەڭگەيدى كورسەتەتىنىنە سەنىمدىمىن»، - دەدى مادەنيەت جانە سپورت ءمينيسترى داۋرەن ابايەۆ ەرىك تولەنوۆپەن كەزدەسۋ بارىسىندا.
قازاقستاندىق انشىلەر جىل سايىن، ناقتىراق ايتقاندا 20 جىل بويى فەستيۆالدىڭ ەرەسەكتەر مەن بالالار بايقاۋىنا قاتىسىپ، جۇلدەلى ورىندارعا يە بولىپ كەلە جاتقانىن اتاپ ءوتۋ قاجەت. مىسالى، ديماش قۇدايبەرگەن-2015 جىلى، ءادىلحان ماكين – 2019 جىلى، رۋحيا بايدۇكەنوۆا – 2021 جىلى باس جۇلدە جەڭىپ الدى. سونىمەن قاتار ءار جىلدارى الىشەر كارىموۆ پەن ەرنار سادىربايەۆ (Amre) جۇلدەگەر اتاندى.
بيىل بالالار بايقاۋىنىڭ قازىلار القاسى قۇرامىنا حالىقارالىق بايقاۋلاردىڭ لاۋرەاتى، قازاقستاندىق تانىمال ءانشى الىشەر كارىموۆ كىرىپ وتىر. بۇعان دەيىن فەستيۆالدىڭ قازىلار القاسىنىڭ قۇرامىندا روزا رىمبايەۆا، ناعيما ەسقالييەۆا، ەرلان كوكەيەۆ، تولقىن زابيروۆا، باتىرحان شوكەنوۆ، قارلىعاش ابدىكارىموۆا، قارلىعاش اجييەۆا بولسا، ديماش قۇدايبەرگەن «ۆيتەبسك-2021» ەسترادا انشىلەرىنىڭ حالىقارالىق بايقاۋىنىڭ قازىلار القاسىنىڭ ەڭ جاس مۇشەسى بولدى.
فەستيۆال جالاۋىن روزا باعلانوۆا اتىنداعى «قازاقكونسەرت» مەملەكەتتىك كونسەرتتىك بىرلەستىگىنىڭ ءانشىسى، «سلاۆيان بازارى-2021» بايقاۋىنىڭ گران-پري يەگەرى، «دارىن» جاستار سىيلىعىنىڭ جانە «شاپاعات» مەدالىنىڭ يەگەرى رۋحيا بايدۇكەنوۆا كوتەرەدى.