ەلوردا اۋەجايىندا ۋيمبلدون ءتۋرنيرىنىڭ جەڭىمپازى ەلەنا رىباكينانى جانكۇيەرلەرى قارسى الدى، دەپ حابارلايدى Almaty-akshamy.kz Baq.kz-كە سىلتەمە جاساپ.
«ەرتەڭ ساعات 15:00-دە بارلىق ماڭىزدى سۇراقتارىڭىزعا جاۋاپ بەرەمىن. كەلگەندەرىڭىزگە كوپ راحمەت!» - دەپ قىسقا قايىردى رىباكينا.
ۇلكەن تەننيس شەبەرى قازاقستاندىق تەننيسشىلەر اراسىندا تۇڭعىش رەت جەكەلەي سىندا «ۇلكەن دۋلىعا» دوداسىنىڭ جەڭىمپازى اتاندى.
ەسكە سالايىق، رىباكينا ۋيمبلدوندا الەمنىڭ 2-راكەتكاسى، تۋنيستىك ونس جابەرمەن باس جۇلدەنى ساراپقا سالعان ەدى. 1 ساعاتقا سوزىلعان كەزدەسۋدە جەرلەسىمىز ءۇش سەتتە 3:6، 6:2، 6:2 جالپى ەسەبىمەن جەڭىسكە جەتتى.
سونداي-اق بۇگىن مەملەكەت باسشىسىنىڭ جارلىعىمەن سپورتتاعى اسا ۇزدىك جەتىستىكتەرى جانە حالىقارالىق ىنتىماقتاستىقتى دامىتۋعا قوسقان ۇلەسى ءۇشىن مادەنيەت جانە سپورت مينيسترلىگىنىڭ «سپورتتى دامىتۋ ديرەكسياسى» رمقك سپورتشى-نۇسقاۋشىسى ەلەنا اندرەيەۆنا رىباكينا ءىى دارەجەلى «دوستىق» وردەنىمەن ماراپاتتالدى.