ونىڭ 23 مىڭعا جۋىعى سەرتيفيكات العان.
كۋرس وقىعان جۇمىسسىزدار - نەگىزىنەن قىزىلوردا، تۇركىستان، الماتى جانە جامبىل وبلىسىنىڭ جاستارى، دەپ حابارلايدى Almaty-akshamy.kz
ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، جىل باسىنان بەرى 89 مىڭعا جۋىق جۇمىسسىز ازامات SKILLS.ENBEK.KZ ونلاين كاسىپتىك وقىتۋ پلاتفورماسىندا وقىدى.
پلاتفورمادا جالپى 283،1 مىڭ قازاقستاندىق تىركەلگەن.
"پلاتفورما ىسكە قوسىلعان ساتتەن باستاپ اۆتورلار 212 كۋرس جاريالادى، ونىڭ 159ء-ى تەگىن. كۋرستاردىڭ ۇزاقتىعى 1-دەن 72 ساعاتقا دەيىن بولدى. ەڭ تانىمال كۋرستار – "ۆىراششيۆانيە كلۋبنيكي وت ا دو يا"، "پتيسيەۆودستۆو. ۆىراششيۆانيە برويلەروۆ"، "وتكورم كرۋپنوگو روگاتوگو سكوتا"، "ءىرى قارا مالدى بورداقىلاۋ" جانە "كاسسير" كۋرستارى بولدى"، - دەلىنگەن مينيسترلىكتىڭ اقپاراتىندا.
وقۋعا تىكەلەي https://skills.enbek.kz/ سىلتەمەسى ارقىلى نەمەسە ەلەكتروندىق ەڭبەك بيرجاسىندا (enbek.kz) "ونلاين وقىتۋ" ءبولىمىن تاڭداۋ ارقىلى وتۋگە بولادى.
وقۋ اياقتالعاننان كەيىن ءبىلىم الۋشى 70% شەكتى دەڭگەيمەن تەست تاپسىرۋى ءتيىس. ونلاين كۋرستى ءساتتى اياقتاعان جاعدايدا سەرتيفيكات بەرىلەدى.
بۇل سەرتيفيكات ەلەكتروندىق ەڭبەك بيرجاسىندا (enbek.kz) تىركەلگەن كەزدە ءبىلىم الۋشى جاساعان تۇيىندەمەدە اۆتوماتتى تۇردە كورسەتىلەدى. ياعني، جۇمىس بەرۋشىلەر جۇمىسشىنىڭ SKILLS.ENBEK.KZ-تە تابىستى وقىعانى تۋرالى سەرتيفيكاتتاردى كورە الادى.
"اۆتورلار مەن ازىرلەۋشىلەر بۇل پلاتفورمادا وزدەرىنىڭ ونلاين كۋرستارىن تەگىن ورناساتىرا الادى. كۋرستار مەملەكەتتىك جانە ورىس تىلدەرىندە بولادى. سونداي-اق اقپارات بەرۋدىڭ ءارتۇرلى فورماتتارى: ءماتىن، پرەزەنتاسيا، بەينە جانە اۋديو ماتەريالدار، ينفوگرافيكا جانە باسقا تۇرلەرى بولۋعا ءتيىس. ۇسىنىلاتىن ونلاين كۋرستاردىڭ ۇزاقتىعى 6-دان 144 ساعاتقا دەيىن بولادى"، - دەلىنگەن ۆەدومستۆو تاراتقان حابارلامادا.