سيرەك كەزدەسەتىن جەر ەلەمەنتتەرىن يگەرۋ ءۇشىن ەۋروپالىق كومپانيالار تارتىلادى

بۇل تۋرالى «قازاقستان مەن ەۋروپالىق وداق اراسىنداعى ماڭىزدى شيكىزات سالاسىنداعى ىسكەرلىك ارىپتەستىك» فورۋمىندا ايتىلدى.

شەتەلدىك كومپانيالار سالاعا قوماقتى ينۆەستيسيا قۇيىپ، جەرگە گەولوگيالىق بارلاۋ جۇرگىزەدى. ءقازىر يندۋستريا جانە ينفراقۇرىلىمدىق دامۋ مينيسترلىگى قىزىعۋشىلىق تانىتقان كومپانيا وكىلدەرىمەن تۇسىندىرمە جۇمىستارىن جۇرگىزىپ جاتىر، دەپ حابارلايدى Almaty-akshamy.kz.

Qazaqstan.tv حابارلاۋىنشا،ينۆەستيسيا شارتتارى تانىستىرىلىپ، ەكى جاقتى كەلسىسسوزدەر جوسپارلانعان. جاسىل ەكونوميكا قاعيداتتارىن ۇستانعان ەۋروپالىق كومپانيالار جەرگىلىكتى وندىرۋشىلەرمەن بىرلەسە نەمەسە جەكە جۇمىس ىستەي الادى. بۇل رەتتە ەڭ ءبىرىنشى قازاقستاندىق تاراپتىڭ تالاپتارىن ورىنداۋعا باسىمدىق بەرىلەدى. فورۋم اياسىندا شەتەلدىك كومپانيالار نارىقتاعى جەتىستىكتەرىمەن ءبولىستى. ولارعا ءبىزدىڭ ەلدەگى مەتاللۋرگيالىق كاسىپورىنداردىڭ مۇمكىندىكتەرى تۋرالى اقپارات بەرىلدى.

«ەۋروپالىق وداقپەن كريتيكالىق ماتەريالداردى دامىتۋ بويىنشا بىزدە كەلىسىمشارت بار. سونىڭ شەڭبەرىندە وسى ءىس-شارانى وتكىزىپ وتىرمىز. سيرەك ماتەريالدار بولعاندىقتان، اتى ايتىپ تۇرعانداي، تەحنولوگيالارى دا سيرەك كەزدەسەدى. كومپەتەنسيا ماسەلەسى دە بار. بىزدە وعان جەتكىلىكتى ماماندار كەرەك. سولاردىڭ بارلىعىن دامىتىپ، وقىتىپ، دايىنداۋ قاجەت»، - دەدى ق ر يندۋستريا جانە ينفراقۇرىلىمدىق دامۋ ءمينيسترىنىڭ ورىنباسارى ءىلياس وسپانوۆ.