رەسپۋبليكامىزدىڭ وڭتۇستىگى مەن باتىسىندا شاڭدى داۋىل تۇرادى دەپ كۇتىلەدى
"قازگيدرومەت" رمك 8-10 قازانعا ارنالعان اۋا رايى بولجامىن ۇسىندى. وعان سايكەس، الدا قىسقا مەرزىمگە كۇن سۋىتاتىنى بولجانادى، دەپ حابارلايدى Almaty-akshamy.kz.
مەتەورولوگتاردىڭ مالىمەتىنشە، قازاقستاننىڭ سولتۇستىك، شىعىس جانە تاۋلى ايماقتارىندا تۇنگى جانە تاڭەرتەڭگى ۋاقىتتا جاۋعان جاڭبىردىڭ ارتى قارعا ۇلاسۋى مۇمكىن.
سونىمەن قاتار، تۇمان ءتۇسىپ، جەل كۇشەيەدى، رەسپۋبليكامىزدىڭ وڭتۇستىگى مەن باتىسىندا شاڭدى داۋىل تۇرادى دەپ كۇتىلەدى.
ەلىمىزدىڭ سولتۇستىگىندە، شىعىسىندا جانە ورتالىعىندا قىسقا مەرزىمدە سىناپ باعانى تۇنگى ۋاقىتتا -3°س، كۇندىز +3...+13°س دەيىن تومەندەيدى دەپ كۇتىلەدى.
سونداي-اق، رەسپۋبليكامىزدىڭ باتىسىندا تۇندە +1...+ 9°س، كۇندىز +15...+25°س بولادى دەپ بولجانادى.
تۇندە قازاقستاننىڭ وڭتۇستىگىندە: +1...+6°س، تاۋلى اۋدانداردا: -2-7°س، كۇندىز: +12...+20°س.