انىقتالعان دەرەكتەر بويىنشا قىلمىستىق ءىس قوزعالدى
الماتى وبلىسىندا قۇنى 1 ملرد تەڭگە بولاتىن پايدالى قازبانى زاڭسىز ءوندىرىپ كەلگەندەر ۇستالدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
تابيعاتتى قورعاۋ پروكۋراتۋراسى مەن پوليسيا قىزمەتكەرلەرى تەرگەۋ ناتيجەسىندە وبلىستاعى ءۇش زاڭسىز كارەردىڭ جۇمىسىن توقتاتتى. كۇدىكتىلەر تاپقان قۇم مەن قيىرشىقتاستى نارىققا ساتۋدى ماقسات تۇتقان. انىقتالعان دەرەكتەر بويىنشا قىلمىستىق ءىس قوزعالدى.
«قىلمىستىق كودەكستىڭ 334-بابى 2-بولىگى بويىنشا سوتقا دەيىنگى تەرگەپ-تەكسەرۋ باستالدى. جەدەل-تەرگەۋ توبى قۇرىلدى. كۇدىكتىلەردىڭ كىناسى انىقتالعان جاعدايدا ءۇش مىڭ ايلىق ەسەپتىك كورسەتكىشكە دەيىن ايىپپۇل تولەيدى نەمەسە باس بوستاندىعىنان شەكتەلەدى. سونداي-اق، ءۇش جىلعا دەيىن باس بوستاندىعىنان ايىرۋ كوزدەلگەن»، – دەدى مامانداندىرىلعان تابيعات قورعاۋ پروكۋرورى تيمۋر قاسىموۆ.