سىرتقى ىستەر مينيسترلىگى ءسىم بانگلادەشتەگى جاعدايعا بايلانىستى قازاقستان ازاماتتارىن احۋال تۇراقتالعانعا دەيىن سول ەلگە بارماي، قويا تۇرۋدى ۇسىندى، دەپ حابارلايدى aqshamnews.kz.
«ءقازىر بانگلادەشتە جۇرگەن قازاقستاندىقتاردان اسا قاجەت بولماسا، ۇيدەن شىقپاۋدى، قاۋىپسىزدىك شارالارىن بارىنشا كۇشەيتۋدى، ساق جانە قىراعى بولۋدى، جاڭالىقتاردى قاداعالاۋدى جانە بيلىكتىڭ ۇسىنىمدارىن ورىنداۋدى، سونداي-اق سىرتقى ىستەر مينيسترلىگى مەن بانگلادەش حالىق رەسپۋبليكاسىنداعى قىزمەتىن قوسا اتقارۋشى قازاقستاننىڭ ءۇندىستانداعى ەلشىلىگىمەن تۇراقتى بايلانىستا بولۋدى سۇرايمىز»، - دەپ جازىلعان ءسىم تاراتقان حابارلامادا.
قوسىمشا جانە جەدەل اقپارات الۋ ءۇشىن بانگلادەشتەگى قازاقستاندىقتار مەن ولاردىڭ قازاقستانداعى تۋىستارى تومەندەگى بايلانىس نومىرلەرگە شۇعىل حابارلاسا الادى:
• +7 (7172) 720111 (كەزەكشى ديپلومات)؛
• +7 705 443 33 32 (ۇيالى تەلەفون، WhatsApp).
قازاقستاننىڭ ءۇندىستانداعى ەلشىلىگىنىڭ بايلانىس ءنومىرى:
• +91 1145 555 106؛
• +91 9667 118 363.