سىرتقى ىستەر مينيسترلىگى رەسەيدەگى وقيعالار فونىندا قازاقستاندىقتاردى ەۆاكۋاسيالاۋ قاجەتتىلىگىن باعالادى، - دەپ حابارلايدى Almaty-akshamy.kz Tengrinews.kz-كە سىلتەمە جاساپ.
ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ەكى ەل اراسىنداعى شەكارانىڭ اشىق ەكەنىن جانە رەسەيدە ەشقانداي سوعىس جاريالانباعانىن اتاپ ءوتتى.
"رەسەيدەگى جاعدايعا بايلانىستى ەلگە قايتقىسى كەلگەن ستۋدەنتتەر بولدى. كەيىنگى 2-3 كۇندە ازاماتتارىمىزدى نەگە ەۆاكۋاسيالامايسىزدار دەگەن سۇراقتار كوپ بولدى. ەكى ەل شەكاراسى اشىق، رەسەيدە ەشقانداي سوعىس جاريالانعان جوق دەپ جاۋاپ بەرەمىن. اۋە قوزعالىسى دا قالىپتى جۇمىس ىستەپ تۇر، پويىزدار مەن كولىكتەر ءجۇرىپ جاتىر. ءار ادامنىڭ ءوز ەركى بار. بۇل ءبىزدىڭ ازاماتتاردى ەۆاكۋاسيالايتىن جاعداي ەمەس"، - دەدى ول.
ونىڭ ايتۋىنشا، بيىلعى ءبىرىنشى توقساندا رەسەيدىڭ كوشى-قون قىزمەتىنە 110 مىڭنان اسا قازاقستاندىق تىركەلگەن، ونىڭ 65 مىڭنان استامى - ستۋدەنتتەر.