مادەنيەت جانە اقپارات ءمينيسترى ورتالىق ازيانىڭ ورتاق تەلەارناسىن اشۋ ماسەلەسى قارالىپ جاتقانىن ايتتى.
تەلەارناعا بىرلەسىپ كونتەنت دايىنداۋ بويىنشا ناقتى شەشىمدەر قابىلداندى، دەپ حابارلايدى aqshamnews.kz
بۇگىن استاناداعى II ورتالىق ازيا مەديافورۋمىندا قازاقستان، وزبەكستان، قىرعىزستان، تاجىكستان مەن ازەربايجان وكىلدەرى كەزدەسىپ، بىرلەسكەن مەديا جوبالاردى شىعارۋ ماسەلەسىن تالقىلادى.
ايدا بالايەۆانىڭ ايتۋىنشا، ارنايى كەزدەسۋدە ناقتى شەشىمدەر قابىلداندى.
"ءبىز Silk Way تەلەارناسىنىڭ جۇمىسىنا كىرىسىپ، بىرلەسىپ كونتەنت دايىنداۋ بويىنشا ناقتى شەشىمدەردى قابىلدادىق. وسىلايشا، قازىرگى كەزدە ورتالىق ازيا ەلدەرى وڭىردەگى اقپاراتتىق ىنتىماقتاستىقتى نىعايتۋعا باعىتتالعان بىرلەسكەن تەلەارنا مەن وڭىرلىك مەدياپلاتفورمانى ىسكە قوسۋ مۇمكىندىگىن قاراستىرۋ ۇستىندە"،-دەدى بالايەۆا.
مينيستر مەديا سالاسىندا ءوزارا ىنتىماقتاستىقتى نىعايتۋ ماقساتىندا قازاقستاننىڭ بىرنەشە ۇسىنىسىن جاريالادى. اتاپ ايتقاندا،
ورتالىق ازيانىڭ جۋرناليستىك اكادەمياسىن قۇرۋ،
وڭىرلىك كرەاتيۆتى حابىن اشۋ،
جۋرناليستيكا سالاسىندا ورتالىق ازيا سىيلىعىن تاعايىنداۋ،
“ءبىزدىڭ ادامدار” تەلەجوباسىن ىسكە قوسۋ،
ناۋرىزعا ارنالعان تەلەكوپىر ۇيىمداستىرۋ،
سەريالدار ءۇشىن تولەمدى ازايتۋ نەمەسە مۇلدەم الىپ تاستاۋ،
تاعى باسقا باستامالار بار.