Instagram-دا ادامزاتتى كوبىرەك باقىلاپ، تاڭداۋ مۇمكىندىگىن ازايتاتىن CBDC سيفرلىق ۆاليۋتاسى تۋرالى ۆيدەو تالقىلانۋدا. روليك اۆتورىنىڭ ايتۋىنشا، ەگەر ادام زاڭدى بۇزسا نەمەسە ارەكەتى كۇماندى بولسا، وندا ونىڭ ەلەكتروندى ءاميانى وشىرىلەدى. سونىمەن قاتار، قولما-قول اقشا كادەسىيعا اينالادى جانە ونى پايدالانۋ مۇمكىن بولمايدى. وسىلايشا حالىق سيفرلىق قاقپانعا تۇسەدى ەكەن. بۇل راس پا؟
CBDC – بۇل ورتالىق بانكتەر شىعاراتىن جانە ناقتى تاۋارعا بايلانىستى ەمەس سيفرلىق ۆاليۋتا. بۇل تولەم جاساۋعا ارنالعان اقشا نىساندارىنىڭ ءبىرى. الەمنىڭ ەشبىر ەلىندە قولما-قول اقشا اينالىمنان الىنبايدى. ءار مەملەكەتتىڭ ءوزىنىڭ سيفرلىق اقشاسى جانە سيفرلىق ۆاليۋتاسى بولادى.
بۇگىنگى تاڭدا الەمنىڭ بارلىق ەلدەرىندە ادامدار سيفرلىق تولەمگە كوبىرەك جۇگىنەدى، ويتكەنى بۇل ىڭعايلى، جىلدام ءارى ءقاۋىپسىز. بانكتەر مەن قارجى ينستيتۋتتارى ءقازىر سيفرلىق ترانزاكسيالاردى كوبىرەك وڭدەيدى، ادامدار فيليالدارعا سيرەك بارادى.
كەيبىر ەلدەردە CBDC ەنگىزىلگەن، ال باسقالارى العاشقى قادامدار جاساۋدا. ماسەلەن، باگام ارالدارىندا، يامايكادا جانە نيگەريادا سيفرلىق ۆاليۋتا تولىعىمەن ەنگىزىلدى. 100-دەن استام ەلدە جاڭا ەلەكتروندىق اقشا جاساۋ مۇمكىندىگى زەرتتەلىپ جاتىر. برازيليا، رەسەي، ءۇندىستان، جۇڭگو جانە وڭتۇستىك افريكا پيلوتتىق ساتىدا.
قازاقستان 2021 جىلى «سيفرلىق تەڭگە» پيلوتتىق جوباسىن ىسكە قوستى. قازىرگى ۋاقىتتا ق ر ۇلتتىق بانكى جاڭا ۆاليۋتانىڭ ارتىقشىلىقتارى مەن تاۋەكەلدەرى تۇرعىسىنان قاجەتتى زەرتتەۋلەر جۇرگىزۋدە. بۇل ۇزاققا سوزىلاتىن پروسەسس. قازاقستاننىڭ ۇلتتىق بانكى قولما-قول جانە قولما-قول اقشاسىز اقشانى سيفرلىق ۆاليۋتامەن الماستىرۋدى جوسپارلاپ وتىرعان جوق، ول قاتار پايدالانىلاتىن بولادى.
CBDC-گە قول جەتكىزۋ ءۇشىن چيپ قاجەت بولادى دەگەن كونسپيرولوگيالىق يدەيالاردى جاقتاۋشىلار دا بار. بۇل وتىرىك، ونى ءبىرقاتار فاكچەكەرلەر جوققا شىعاردى.
بۇعان دەيىن ءبىز سايتىمىزدا سيفرلىق ۆاليۋتا تۋرالى ءجيى كەزدەسەتىن فەيكتەردى تالدادىق. بارلىق اقپارات بارشاعا قول جەتىمدى، ونى وقىپ شىقساڭىزدار بولادى. (https://stopfake.kz/ru/archives/18562)
سيفرلىق ۆاليۋتا اينالىمعا ەنگىزىلگەن ەلدەردىڭ ەشقايسىسى ادامداردى ونى پايدالانۋعا ماجبۇرلەمەيدى. بۇل ءار ادامنىڭ ءوز ەركى. سونداي-اق، قولما-قول اقشادان دا ەشكىم باس تارتپايدى. الەۋمەتتىك جەلىدە تارالعان ۆيدەو – فەيك.