سالىق كودەكسىنە ەنگىزىلگەن وزگەرىستەرگە سايكەس، 2022 جىلدىڭ 1 قاڭتارىنان باستاپ سيفرلىق ماينينگ ءۇشىن تولەماقى ەنگىزىلدى، دەپ حابارلايدى اlmaty-akshamy.kz ق ر قم مەملەكەتتىك كىرىستەر كوميتەتىنە سىلتەمە جاساپ.
تولەماقىنى تولەۋ ءتارتىبى سالىق كودەكسىنىڭ 69-تاراۋىنىڭ 11-پاراگرافىمەن رەتتەلەدى.
سيفرلىق ماينينگتى جۇزەگە اسىراتىن تۇلعالار تولەماقى تولەۋشىلەر بولىپ تابىلادى جانە تولەم قىزمەتتى جۇزەگە اسىرۋ كەزىندە تۇتىنىلعان ەلەكتر ەنەرگياسىنىڭ ناقتى كولەمى ءۇشىن الىنادى.
تولەماقى سوماسى ەلەكتر ەنەرگياسىنىڭ ناقتى كولەمىنە سۇيەنە وتىرىپ ەسەپتەلەدى، تولەماقى ستاۆكاسى ەلەكتر ەنەرگياسىنىڭ 1 كيلوۆاتت-ساعاتى ءۇشىن 1 تەڭگە مولشەرىندە ايقىندالادى (كۆت/ساع سانى*1 تەڭگە).
تولەماقىنى ەسەپتەۋ ءۇشىن سالىق كەزەڭى - توقسان بولىپ تابىلادى. سيفرلىق ماينينگ ءۇشىن اقى تولەۋ رەسپۋبليكالىق بيۋدجەتكە 105 317 بيۋدجەتتىك سىنىپتاما كودىنا (بسك) جۇرگىزىلەدى. تولەماقى تولەۋشىلەر تولەماقى سوماسىن بيۋدجەتكە توقسان سايىن ەسەپتى توقساننان كەيىنگى ايدىڭ 20-كۇنىنەن كەشىكتىرمەي تولەيدى. مىسالى، 2022 جىلدىڭ ءبىرىنشى توقسانى ءۇشىن تولەماقىنى 2022 جىلدىڭ 20 ساۋىرىنەن كەشىكتىرمەي تولەۋ قاجەت، - دەپ اتاپ ءوتتى ق ر قم مكك-دە.
تولەۋشىلەر تولەمدى سيفرلىق ماينينگ قىزمەتىن جۇزەگە اسىرۋ ورنى بويىنشا (سيفرلىق ماينينگكە ارنالعان جابدىقتى ورنالاستىرۋ ورنى بويىنشا) تولەيدى. بۇل رەتتە سيفرلىق ماينينگ ءۇشىن تولەم بويىنشا سالىق ەسەپتىلىگىن تاپسىرۋ سالىق كودەكسىندە كوزدەلمەگەن.