2022 جىلعى 27 قاڭتاردا باس مەملەكەتتىك سانيتارلىق دارىگەردىڭ مىندەتىن اتقارۋشىنىڭ قولدانىستاعى شەكتەۋلەردى جەڭىلدەتۋدى كوزدەيتىن جاڭا № 7 قاۋلىسى قابىلداندى، دەپ حابارلايدى اlmaty-akshamy.kz
«جاڭا قاۋلىعا سايكەس، «Ashyq» جوباسىنا قاتىساتىن وبەكتىلەر ءۇشىن جۇمىس جانە دەمالىس كۇندەرى ۋاقىت بويىنشا جۇمىس رەجيمىن شەكتەۋ الىنىپ تاستالدى»، - دەلىنگەن ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا تاراتقان اقپاراتتا.
ەپيدەميولوگيالىق تاۋەكەل ايماعىنا (جاسىل، سارى، قىزىل) قاراماستان، قىزمەتكەرلەر مەن كەلۋشىلەردىڭ ءقاۋىپسىز «جاسىل» مارتەبەسى بويىنشا جۇمىس ىستەيتىن نىساندار ءۇشىن شەكتەۋ الىنىپ تاستالدى. بۇل – سالتاناتتى، ەسكە الۋ، ويىن-ساۋىق، سپورتتىق ءىس-شارالار، كورمەلەر، كونفەرەنسيالار، فورۋمدار وتكىزۋ، سپورت كەشەندەرىنىڭ، ساۋىقتىرۋ جانە ءدىني جانە ويىن-ساۋىق نىساندارىنىڭ (ويىن كلۋبتارى، كازينو، تۇنگى كلۋبتار جانە كاراوكە)، سوو، ساۋدا جەلىلەرىنىڭ (ساۋدا الاڭى 1000 ش.م.-دەن اساتىن ازىق-تۇلىك ەمەس جانە ساۋدا الاڭى 6000 شارشى مەتردەن اساتىن ازىق-تۇلىك) قىزمەتى، باسسەيندەر.
كەلۋشىلەردە بەيتاراپ («كوك») نەمەسە ءقاۋىپسىز («جاسىل») مارتەبە بولعان جاعدايدا، ەپيدەميولوگيالىق جاعدايدى باعالاۋ ماتريساسىنا سايكەس «جاسىل» ايماقتاعى (ەپيدەميولوگيالىق تاۋەكەلى تومەن) وڭىرلەردە – «Ashyq» قاتىسۋشىلارىنىڭ قىزمەتى شەكتەۋسىز جۇزەگە اسىرىلادى، ال «سارى» (ەپيدەميولوگيالىق تاۋەكەلى ورتاشا) جانە «قىزىل» (ەپيدەميولوگيالىق تاۋەكەلى جوعارى) ايماقتاردا – كارانتيندىك شەكتەۋلەر تولتىرۋدى ارتتىرۋ جاعىنا قاراي جەڭىلدەتىلەدى.
وسىلايشا، ەپيدەميولوگيالىق تاۋەكەل ايماعىنا قاراماستان، وبلىسارالىق، وبلىسىشىلىك، قالالىق (تۇراقتى جانە تۇراقتى ەمەس) تاسىمالداردى جۇزەگە اسىراتىن وبەكتىلەر ءۇشىن، وتەلدەر، قوناق ۇيلەر، اۋەجايلار، تەمىرجول، سۋ جانە اۆتوۆوكزالدار، وزەن جانە تەڭىز پورتتارى، اۆتوستانسيالار مەن جولاۋشىلارعا قىزمەت كورسەتۋ پۋنكتتەرى؛ حقكو، «قازپوچتا» اق بولىمشەلەرى، بانكتەر؛ سۇلۋلىق سالوندارى، سپا-ورتالىقتار، جابىق بازارلار، اسحانا تيپىندەگى قوعامدىق تاماقتانۋ وبەكتىلەرى، مەكتەپكە دەيىنگى جانە قوسىمشا ءبىلىم بەرۋ ۇيىمدارى ءۇشىن بەيتاراپ «كوك» مارتەبە بولعان جاعدايدا شەكتەۋسىز كىرۋ ساقتالادى.
ساۋنالاردىڭ، مونشالاردىڭ، ساۋدا الاڭى 1000 ش.م دەيىنگى ساۋدا جەلىلەرىنىڭ (ازىق-تۇلىك ەمەس) قىزمەتىنە شەكتەۋلەر الىنىپ تاستالدى، ولارعا ەپيدەميولوگيالىق تاۋەكەل ايماعىنا قاراماستان، بارلىق وڭىرلەردە بەيتاراپ «كوك» مارتەبە بويىنشا كىرۋگە بولادى.
«جاسىل» ايماقتا مەيرامحانالار مەن ءدامحانالار تيپىندەگى قوعامدىق تاماقتانۋ وبەكتىلەرى، ەرەسەكتەر مەن بالالارعا ارنالعان ويىن جانە ويىن-ساۋىق ورىندارى (بيليارد، بوۋلينگ، تەاترلار، كينوتەاترلار، كونسەرت زالدارى، فيلارمونيالار، سيركتەر، وكەاناريۋم، كومپيۋتەرلىك جانە لوتەرەيا كلۋبتارى، بۋكمەكەرلىك كونتورالار) ءۇشىن كەلۋشىلەردە بەيتاراپ «كوك» مارتەبە بولعان جاعدايدا شەكتەۋ الىنىپ تاستالدى، بۇدان باسقا «سارى» ايماقتا ولاردىڭ تولتىرىلۋى 50%-دان 70%-عا دەيىن جانە «قىزىل» ايماقتا 30%-دان 60%-عا دەيىن ۇلعايتىلدى. وبەكتىنىڭ تولتىرىلۋى ونىڭ جوبالىق قۋاتىنا بايلانىستى انىقتالادى.
قابىلدانعان كارانتيندىك شارالار مەملەكەت باسشىسىنىڭ 2022 جىلعى 21 قاڭتارداعى تاپسىرمالارىن ىسكە اسىرۋ ءۇشىن قابىلداندى.