سوڭعى كۇندەرى تۇركىستان وبلىسىنىڭ اۋماعىندا What's App مەسسەندجەرى ارقىلى ءسىبىر جاراسىنا قاتىستى اۋديوجازبا تاراعان.
تۇركىستان وبلىسىنىڭ سانيتارلىق- ەپيدەميولوگيالىق باقىلاۋ دەپارتامەنتى وسىلاي مالىمدەدى، دەپ حابارلايدى Almaty-akshamy.kz
تۇركىستان وبلىسى تۇلكىباس اۋدانىنىڭ ەكى تۇرعىنىنان ءسىبىر جاراسى انىقتالدى. قازىرگى ۋاقىتتا ولاردىڭ بىرەۋى اقمولا وبلىسىندا، بىرەۋى تۇركىستان وبلىسىندا ەم قابىلداپ جاتىر. ناۋقاستاردىڭ جاعدايى ءبىرقالىپتى، جاقىندا اۋرۋحانادان شىعارىلادى. ال اۋرۋ مالدىڭ ەتى تۇركىستان وبلىسىنا تيەسىلى ەمەس، ناۋقاستاردىڭ سوزىنشە، ولار ەتتى جامبىل وبلىسىنان ساتىپ الىپ كەلگەن. ناقتى كىمنەن، جانە قاي جەردەن ساتىپ العاندىعى جونىندە تەرگەۋ-تەكسەرۋ جۇمىستارىمەن قۇزىرەتتى ورگاندار اينالىسۋدا.
«قۇرمەتتى وبلىس تۇرعىندارى! ەت جانە ەت ونىمدەرىن تەك قانا ۆەتەريناريالىق انىقتاماسى بار سەنىمدى جەرلەردەن ساتىپ الۋعا شاقىرامىز! بەلگىسىز ازاماتتار تاراتقان اۋديوجازبالارعا سەنبەۋدى سۇرايمىز!» - دەلىنگەن دەپارتامەنتتىڭ حابارلاماسىندا.