كەزدەسۋگە قاتىسۋشىلار ۇلتشىلدىقتان، فاشيزمنەن جانە ميليتاريزمنەن ارىلتۋ مەن كوزسىزدىكتىڭ كەز كەلگەن ارەكەتىنە جول بەرىلمەۋ كەرەكتىگىن مالىمدەدى.
ماسكەۋدە شانحاي ىنتىماقتاستىق ۇيىمىنا جانە تاۋەلسىز مەملەكەتتەر دوستاستىعىنا مۇشە مەملەكەتتەردىڭ قورعانىس ۆەدومستۆولارى باسشىلارىنىڭ كەزدەسۋى ءوتتى، دەپ حابارلايدى Almaty-akshamy.kz.
ءىس-شاراعا قازاقستاننىڭ قورعانىس ۆەدومستۆوسىنىڭ باسشىسى، گەنەرال-پولكوۆنيك رۋسلان جاقسىلىقوۆ قاتىستى.
حالىقارالىق قاۋىپسىزدىك جانە وڭىرلىك تۇراقتىلىقتى قولداۋ، اسكەري سالاداعى ىنتىماقتاستىق ماسەلەلەرى بويىنشا پىكىر الماسىلدى.
اۋعانستانداعى تۇراقسىزدىق پەن تەرروريستىك ءقاۋىپتىڭ جوعارى دەڭگەيىنە بايلانىستى الاڭداۋشىلىق ءبىلدىرىلدى.
كەزدەسۋگە قاتىسۋشىلار ۇلتشىلدىقتان، فاشيزمنەن جانە ميليتاريزمنەن ارىلتۋ مەن كوزسىزدىكتىڭ كەز كەلگەن ارەكەتىنە جول بەرىلمەۋ كەرەكتىگىن مالىمدەدى.
بىرلەسكەن كومميۋنيكەدە ۇيىمدار شەڭبەرىندە ودان ءارى ىنتىماقتاستىقتىڭ ماڭىزدىلىعى، تەرروريزمگە قارسى كۇرەس، ونى قارجىلاندىرۋ ارنالارىن جابۋ جانە ەكسترەميستىك يدەولوگياعا قارسى ءىس-قيمىل توڭىرەگىندە بىرلەسكەن كۇشتى ارتتىرۋ قاجەتتىگى اتاپ ءوتىلدى.
ساپار اياسىندا قازاقستاننىڭ قورعانىس ءمينيسترى، گەنەرال-پولكوۆنيك رۋسلان جاقسىلىقوۆ رەسەي قورعانىس ۆەدومستۆوسىنىڭ باسشىسى، ارميا گەنەرالى سەرگەي شويگۋمەن كەزدەستى.