ىلە الاتاۋى مەملەكەتتىك تابيعي ۇلتتىق پاركىندەگى شىرشالار كۇنى-تۇنى كۇزەتىلەدى
جاڭا جىل مەرەكەسى قارساڭىندا ىلە الاتاۋى مەملەكەتتىك ۇلتتىق تابيعي پاركىندە اعاشتاردى زاڭسىز كەسۋدىڭ الدىن الۋ ماقساتىندا كەزەكشىلىك جانە پاترۋلدىك كەستە ازىرلەندى، دەپ حابارلايدى almaty-akshamy.kz
جاڭا جىل قارساڭىندا مەرەكە سيمۆولى — شىرشانى زاڭسىز وتايتىنداردىڭ قاتارى كوبەيەدى. ىلە الاتاۋى مەملەكەتتىك ۇلتتىق تابيعي پاركىنىڭ عىلىمي زەرتتەۋ جۇمىستارى جانە تاۋلى اگروبيوارتۇرلىلىك ءبولىم باسشىسى سالتانات وسەربايەۆانىڭ ايتۋىنشا، جاسىل جەلەكتى قورعاۋ ماقساتىندا ىلە الاتاۋى پاركىندە كەزەكشىلىك كەستەسى قۇرىلدى. پاركتىڭ 14 باقىلاۋ-وتكىزۋ پۋنكتىندە تاۋلىك بويى كەزەكشىلىك تۇراتىن بولدى.
«كوپ ادام جاڭا جىلدى ءىسى اڭقىعان ناعىز ورمان شىرشاسىمەن قارسى العاندى ۇناتادى. ءبىراق ورمانشىلار قىلقان جاپىراقتى اعاشتى كەسپەۋگە شاقىرادى. جۇزدەگەن جىل بويى وسەتىن شىرشا اعاشتارىن ءبىر ساتتە وتاۋعا بولمايدى. ماڭگى جاسىل اعاشتاردى ۇرپاعىمىزعا دا قالدىرۋىمىز كەرەك»، - دەيدى ۇلتتىق ساياباق قىزمەتكەرى.
ونىڭ ايتۋىنشا، قۇقىق بۇزۋشىلار ق ر قىلمىستىق كودەكسىنىڭ 340-بابى بويىنشا جازالانادى.
«اعاشتار مەن بۇتالاردى زاڭسىز كەسكەندەر 200 ساعات قوعامدىق جۇمىسقا تارتىلادى نەمەسە 200 اەك ايىپپۇل تولەيدى. ەلۋ تاۋلىككە قاماۋعا الۋ شاراسى دا قولدانىلادى. ءتىپتى مۇلكى تاركىلەنىپ، ءۇش جىلعا دەيىنگى مەرزىمگە لاۋازىمدى قىزمەت اتقارۋ قۇقىعىنان ايىرىلۋى مۇمكىن»، - دەپ ءتۇسىندىردى سالتانات وسەربايەۆا.
ايتا كەتەيىك، جىل سايىن ۇلتتىق پارك اۋماعىندا 0،2 گەكتار جەرگە شرەنك شىرشاسىنىڭ كوشەتتەرى وتىرعىزىلادى.