2،7 ملن تەڭگە بيۋدجەت قاراجاتىنا 20 دوپ ساتىپ الماق بولعان
شىمكەنتتە №90 دارىندى بالالارعا ارنالعان مەكتەپ-گيمنازياسى مەملەكەتتىك ساتىپ الۋ جوسپارىندا 2،7 ملن تەڭگە بيۋدجەت قاراجاتىنا 20 دوپ ساتىپ الماق بولعان. الايدا تاۋاردىڭ ءاربىر داناسى 2-دەن 10 ەسەگە دەيىن اسىرا باعالانىپ ەسەپتەلگەن، دەپ حابارلايدى Almaty-akshamy.kz otyrar.kz-كە سىلتەمە جاساپ.
ماسەلەن، ءبىلىم بەرۋ مەكەمەسىندەگىلەر باسكەتبول دوبىنىڭ ءبىر داناسىن 232 مىڭ تەڭگەگە، ال ۆولەيبول دوبىن 42 مىڭ تەڭگەگە ساتىپ الۋدى جوسپارلاعان.
سىبايلاس جەمقورلىققا قارسى قىزمەتتىڭ شىمكەنت قالاسى بويىنشا دەپارتامەنت باسشىسى داۋرەن ەرعاريننىڭ مالىمەتىنشە، انتيكور مەملەكەتتىك ساتىپ الۋدى ۇيىمداستىرۋشىنىڭ اتىنا جوسپاردىڭ تارماعىن قايتا قاراۋ تۋرالى ۇسىنىس حات جولداعان.
ناتيجەسىندە 2،2 ملن تەڭگەدەن استام قارجى ۇنەمدەلگەن.