سەنىمدى قورعاۋ قىزمەتى
الماتىلىق پوليسەيلەر قۇقىقبۇزۋشىلىقتى انىقتاپ، زاڭسىز ارەكەتتەردىڭ جولىن كەسۋ ءۇشىن ءپورتاتيۆتى بەينەتىركەگىشتەردى بەلسەندى پايدالانىپ جاتىر، دەپ حابارلايدى Almaty-akshamy.kz.
الماتى قالالىق پوليسيا دەپارتامەنتىنىڭ مالىمەتىنشە، ءقازىر پاترۋلدىك قىزمەت پەن ۋچاسكەلىك پوليسيا ينسپەكتورلارى جاڭا بەينەتىركەگىشتەرمەن جابدىقتالعان.
«بەينەجەتوندار قىزمەتتىك مىندەتتەردى ورىنداعان ساتتەن باستاپ اياقتالعانعا دەيىن قوسىلىپ، ۇزدىكسىز جازىلادى. بۇگىندە يننوۆاسيالىق شەشىمدى ەنگىزۋ ارقىلى پوليسيا قىزمەتكەرلەرىنىڭ زاڭسىز ارەكەتى دەرەكتەرى ايتارلىقتاي ازايدى. سونىمەن قاتار بەينەتىركەگىشتەردەگى جازبالار قۇقىق قورعاۋ قىزمەتكەرىنە قارسى قانداي دا ءبىر قۇقىقبۇزۋشىلىق جاسالسا، سەنىمدى قورعاۋ قىزمەتىن اتقارادى»، - دەپ حابارلادى قالالىق پوليسيا دەپارتامەنتىنىڭ باسپا ءسوز قىزمەتى.
پوليسيا سونداي-اق ونلاين قوسىمشاسى بار جاڭا بەينەتىركەگىش قۇرىلعىلارى ءبىر ۋاقىتتا اۋديو جانە بەينە جازۋعا، ءار قىزمەتكەردىڭ ارەكەتىن ونلاين باقىلاۋ جۇرگىزۋگە جانە داۋىسپەن باسقارۋ مۇمكىندىگى بار ەكەنىن حابارلادى.