قاشقىن ءبىر كۇننەن كەيىن قالادا ۇستالدى
شىمكەنتتەگى تەرگەۋ يزولياتورىنان قاشىپ كەتكەن ەر ادام ۇستالدى، دەپ حابارلايدى Almaty-akshamy.kz.
Otyrar.kz-نىڭ حابارلاۋىنشا، قاشقىن ءبىر كۇننەن كەيىن قالادا ۇستالدى. ول مۇناي-گاز قۇبىرىنا ۇرلىققا ءتۇستى دەگەن كۇدىكپەن ۇستالعان ەدى، ەندى وعان تۇزەۋ مەكەمەسىنەن قاشتى دەگەن تاعى ءبىر ايىپ قوسىلدى.
«12 مامىردا جۇرگىزىلگەن جەدەل-ىزدەستىرۋ ءىس-شارالارىنىڭ بارىسىندا قاشىپ كەتكەن ازاماتتى قىلمىستىق اتقارۋ جۇيەسى دەپارتامەنتى جانە وبلىستىق ءىىد جەدەل ۋاكىلدەرى ۇستادى»، – دەپ حابارلادى شىمكەنت قالاسى مەن تۇركىستان وبلىسى بويىنشا قىلمىستىق اتقارۋ جۇيەسى دەپارتامەنتىنىڭ وكىلدەرى.
اتالعان فاكتى بويىنشا شىمكەنت قالالىق پوليسيا باسقارماسى سوتقا دەيىنگى تەرگەۋ امالدارىن جۇرگىزىپ جاتىر.