شقو-دا كەلىندەر بايقاۋى ءوتتى

بايقاۋدىڭ باستى تالابىنىڭ ءبىرى – قازاقتىڭ ۇمىت بولا باستاعان ۇلتتىق تاعامدارىن ازىرلەۋ

ۇيىمداستىرۋشىلاردىڭ ايتۋىنشا، وبلىستىق دوستىق  ءۇيىنىڭ 30 جىلدىعىنا وراي ۇيىمداستىرىلعان بايقاۋ جىلداعىدان وزگەشە، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ. 

«بۇگىن ءداستۇرلى «اياۋلى جاس كەلىن» بايقاۋىن وبلىسىمىزدى 9-رەت وتكىزىپ جاتىرمىز. بۇگىنگى كونكۋرستىڭ ەرەكشەلىگى، ءار ۇلت ۇلت وكىلدەرىنىڭ كەلىندەرى قاتىسىپ جاتىر. ورىس، ۋكراين، شەشەن ۇلتىنىڭ وكىلدەرى قاتىسىپ جاتىر»،-دەيدى قازىلار القاسىنىڭ ءتورايىمى ارايلىم ەسىمبەكوۆا. 

وسكەمەن قالاسىنان باعىن سىناۋعا كەلگەن انجەليكا شابدانبايەۆانىڭ اكەسى ورىس، اناسى ۋكراين. ءوزى قازاق جىگىتىنە تۇرمىسقا شىققان. ينتەرناسيونالدى وتباسىندا تاربيەلەنگەن ول قازاقتىڭ ۇلتتىق تاعامدارىن ازىرلەگەندى جاقسى كورەدى.   

«بۇل بايقاۋعا قازاقتىڭ تاعامدارىن دايىندادىم. ول قۋىرداق. بۇل جەردەگى قارا قۋىرداق. قۋىرداقتىڭ ءتۇر-تۇرى بولادى. ءبىراق مەن قارا قۋىرداقتى تاڭدادىم. سەبەبى، بۇل جەرگە ءىش ماي كىرەدى. ودان كەيىن باۋىر، وكپە، ەت كىرەدى. قازاقتىڭ تاعامىنان مىنا جەردە سارى ماي، باۋىرساق. ءوزىمىزدىڭ شي باۋىرساعىمىز. قىمىزسىز ەشبىر توي وتپەيدى دەپ ويلايمىن. جانە جەتى شەلپەك. ءبىزدىڭ وتباسىمىزدا ءار جۇما شەلپەكسىز وتپەيدى»،-دەيدى بايقاۋعا قاتىسۋشى انجەليكا شابدانبەكوۆا. 

بايقاۋدىڭ باستى تالابىنىڭ ءبىرى – قازاقتىڭ ۇمىت بولا باستاعان ۇلتتىق تاعامدارىن ازىرلەۋ. ريددەر قالاسىنان كەلگەن ارداق مالتايەۆا قازىلار نازارىنا ۇلپەرشەكتى ۇسىندى. 

«ۇلپەرشەك تاعامى مالدىڭ جۇرەگىنەن جاسالادى. ول ياعني تۇرمىسقا شىققان قىزدىڭ اتا-اناسى ءبىز سەنى ساعىندىق، سەن ءبىزدىڭ جۇرەگىمىزدەسىڭ دەپ ساعىنىشتارىن جىبەرگەن بولاتىن»،-دەدى بايقاۋعا قاتىسۋشى ارداق مالتايەۆا.