شىمكەنت قالاسى اكىمدىگىنىڭ شاقىرۋىمەن «Creative Shustry of Shymkent 2023» فورۋمىنا قاتىسقان تۋريزم جانە سپورت ءمينيسترىنىڭ ورىنباسارى ەرجان ەركىنبايەۆ تۋريستىك بيزنەس جانە كرەاتيۆتى يندۋستريا وكىلدەرىنىڭ باسىن قوسقان جيىندا مينيسترلىكتىڭ نەگىزگى مىندەتتەرىن ايتىپ، اتقارىلعان جۇمىستار تۋرالى باياندادى، دەپ حابارلايدى اlmaty-akshamy.kz.
ءىس-شارادان كەيىن ول قالا تۇرعىندارىمەن كەزدەسۋ وتكىزدى. «Creative industry of Shymkent» فورۋم-كورمەسىنە 500 ادام قاتىسىپ، 30-عا جۋىق سپيكەر كرەاتيۆتى يندۋستريا سالاسىندا جاڭا يدەيالاردى ەنگىزۋ، جوبالاردى ىسكە اسىرۋ ءۇشىن ينۆەستورلار مەن دەمەۋشىلەردى تارتۋ بويىنشا بايانداما جاسادى. سونىمەن قاتار كورمە اياسىندا 20 جوبا ۇسىنىلىپ، ءبىرقاتار مەموراندۋم مەن جول كارتاسىنا قول قويىلدى.
جيىندا ەرجان ەركىنبايەۆ شىمكەنت قالاسى تابيعي كورىكتى جەرلەرىمەن، تاريحي-مادەني نىساندارىمەن جانە قالانىڭ ءدامدى گاسترونومياسىمەن ۇلكەن تۋريستىك الەۋەتكە يە ەكەنىن اتاپ ءوتتى. ەڭ باستىسى، ءوڭىر ق ر ۇكىمەتىنىڭ تۋريزم سالاسىنا ينۆەستيسيا تارتۋ بويىنشا نىسانالى ينديكاتورلارعا قول جەتكىزۋ جونىندەگى العا قويعان مىندەتتەرىنىڭ الدىندا قانداي تابىستارعا قول جەتكىزگەنىنە توقتالدى. سونىمەن قاتار ءوڭىردىڭ مۇمكىندىكتەرىن ەسكەرە وتىرىپ، ەرجان ەركىنبايەۆ ايماقتاعى ءتۋريزمنىڭ دامۋىنا وڭ سەرپىن بەرەتىن تاۋ شاڭعىسى كەشەنىن سالۋ قاجەتتىگى تۋرالى ايتتى.
«ۋاقىت وتە كەلە قاسقاسۋ اۋماعى تاۋ شاڭعىسى ءتۋريزمىنىڭ ورداسىنا اينالادى دەپ ۇمىتتەنەمىز. بۇل باعىتتا جۇمىس جۇرگىزىلۋدە»، - دەپ اتاپ ءوتتى ق ر تسم ءمينيسترىنىڭ ورىنباسارى.
سونداي-اق ەرجان ەركىنبايەۆ وڭىردەگى جانە جالپى ەلدەگى كرەاتيۆتى يندۋستريالاردى دامىتۋ بويىنشا پىكىرلەرىن ورتاعا سالدى.