"قازتەلەراديو" اق ۋاقىتشا قولايسىزدىق ءۇشىن كەشىرىم سۇرادى.
قازاقستاندا وسى سەنبىدە تەلەديدار مەن راديو شامامەن 14 ساعات جۇمىس ىستەمەيدى، دەپ حابارلايدى Almaty-akshamy.kz
"قازتەلەراديو" اق تاراتقان مالىمەت بويىنشا، 2023 جىلعى 23 جەلتوقساندا ساعات 03:00-دەن 17:00-گە دەيىن (استانا ۋاقىتى بويىنشا) "قازمەدياورتالىعىنىڭ" حابار تاراتۋ وزەگىن جاڭعىرتۋدىڭ كەزەكتى كەزەڭىن اياقتاۋ شەڭبەرىندە بارلىق تەحنولوگيالىق كەشەننىڭ جەلىلىك جابدىعىن اۋىستىرۋ جوسپارلانعان.
"سونداي-اق "قازتەلەراديو" اق سپۋتنيكتىك، سيفرلىق جانە انالوگتىق ەفيرلىك جەلىلەرىنىڭ تەحنيكالىق قۇرالدارىندا سەرۆيستەردى وشىرە وتىرىپپروفيلاكتيكالىق جۇمىس جۇرگىزەتىن بولادى. وسىعان بايلانىستى كورسەتىلگەن ۋاقىت كەزەڭىندە ەفيرلىك، كابەلدىك جانە سپۋتنيكتىك تەلەراديو حابارلارىن تاراتۋ جەلىلەرىندە تەلە-، راديوارنالاردى تاراتۋ توقتايتىنى تۋرالى حاباردار ەتەمىز"، – دەلىنگەن حابارلامادا.