شىمكەنت قالاسىندا قىلمىستىق اتقارۋ جۇيەسى دەپارتامەنتى باسشىسىنىڭ مىندەتىن اتقارىپ جۇرگەن ورىنباسارى قاماۋعا الىندى. بۇل اقپاراتتى ق ر ىشكى ىستەر مينيسترلىگىنىڭ باسپا ءسوز قىزمەتى راستادى، دەپ حابارلايدى Almaty-akshamy.kz Inform.kz-كە سىلتەمە جاساپ.
«2022 جىلدىڭ 9 شىلدەسىندە شىمكەنتتە ءوزىنىڭ قىزمەتتىك كابينەتىندە قاجد باستىعىنىڭ مىندەتىن ۋاقىتشا اتقارۋشى ۇستالدى. سوتقا دەيىنگى تەرگەۋ امالدارى پاراقورلىق فاكتىسى بويىنشا ءجۇرىپ جاتىر. ۇستالعان ازامات ۋاقىتشا ۇستاۋ يزولياتورىنا قامالدى»، - دەلىنگەن ىشكى ىستەر مينيسترلىگى تاراتقان حابارلامادا. انىقتالعانداي، وعان قاتىستى بۇلتارتپاۋ شاراسىن سانكسيالاۋ قارالىپ جاتىر. «سىبايلاس جەمقورلىق ماسەلەسى ىشكى ىستەر مينيسترلىگىنىڭ كۇندەلىكتى باقىلاۋىندا. وسىعان ۇقساس فاكتىلەر تۋرالى ق ر ءىىم وزىندىك قاۋىپسىزدىك باسقارماسىنا حابارلاسۋعا بولادى»، - دەيدى ۆەدومستۆودان.