كۇدىكتى 67 ملن تەڭگە سوماسىنداعى بيۋدجەت قاراجاتىن جەكە قاجەتتىلىگىنە جۇمساپ جىبەرگەن
شىمكەنتتە مەكتەپ بۋحگالتەرىنە قاتىستى قىلمىستىق ءىس سوتقا جولداندى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى شىمكەنت قالاسى بويىنشا دەپارتامەنتىنىڭ باسشىسى داۋرەن ەرعارين Facebook-تەگى پاراقشاسىندا جازدى، دەپ حابارلايدى Almaty-akshamy.kz Azattyq Rýhy-نا سىلتەمە جاساپ.
كۇدىكتى ءبىلىم بەرۋ مەكەمەسى ديرەكتورىنىڭ ەلەكتروندىق سيفرلىق قولتاڭباسىن پايدالانا وتىرىپ، 67 ملن تەڭگە سوماسىنداعى بيۋدجەت قاراجاتىن جەكە قاجەتتىلىگىنە جۇمساپ جىبەرگەن. سىبايلاس جەمقورلىققا قارسى ءىس-قيمىل اگەنتتىگى شىمكەنت قالاسى بويىنشا دەپارتامەنتى كۇدىكتىگە قاتىستى قىلمىستىق ءىستى اياقتاپ، سوتقا جولدادى.
«قايتا قىلمىس جاساۋعا جول بەرمەۋ ماقساتىندا ءوڭىردىڭ ءبىلىم بەرۋدى قارجىلاندىرۋ سالاسىنداعى سىبايلاس جەمقورلىق تاۋەكەلدەرىنە سىرتقى تالداۋ باستالدى. سونداي-اق، كەڭەيتىلگەن وتىرىس ءوتىپ، وندا سىبايلاس جەمقورلىق سحەمالارى مەن ول ءۇشىن كوزدەلگەن قىلمىستىق جاۋاپكەرشىلىك تۋرالى ءاربىر بۋحگالتەرگە، مەكتەپ ديرەكتورىنا جانە مەگاپوليستىڭ ءبىلىم بەرۋ سالاسىنىڭ باسشىلارىنا ءتۇسىندىرىلدى»، - دەپ جازدى داۋرەن ەرعارين.