ول قۇمار ويىننان ۇتىلىپ قالعان.
شىمكەنتتە ويىن كلۋبىنان ءتورت ميلليون تەڭگە ۇرلاپ كەتكەن ەر ادام ۇستالدى، دەپ حابارلايدى Almaty-akshamy.kz
وبلىستىق پوليسيا دەپارتامەنتىنىڭ باسپا ءسوز قىزمەتىنىڭ مالىمەتىنشە، ول بۇعان دەيىن 3 ميلليون 800 مىڭ تەڭگەسىن ۇتقىزىپ، ماتەريالدىق شىعىننىڭ ورنىن قاراقشىلىقپەن تولىقتىرۋعا بەل بۋعان.
"مەكەمە قىزمەتكەرىن پىشاقپەن قورقىتقان قاسكۇنەم سەيفتەگى 4 ميلليون تەڭگەنى الىپ، ءىزىن سۋىتقان. جابىرلەنۋشى بولعان جايتتى دەرەۋ پوليسياعا حابارلاعان"، دەلىنگەن شىمكەنت قالاسى پوليسيا دەپارتامەنتى تاراتقان حابارلامادا.
جەدەل ۋاكىلدەرى كۇدىكتىنى قالا اۋماعىندا "ءىزىن سۋىتپاي" ۇستادى.
ۆەدومستۆو وكىلدەرى 28 جاستاعى جەرگىلىكتى تۇرعىن ۋۇي-عا قامالعانىن، ءقازىر ق ر قك 192-بابى بويىنشا تەرگەۋ ءجۇرىپ جاتقانىن حابارلادى.