الماتى قالاسى ءبىلىم باسقارماسىنىڭ «الماتى دارىنى» دارىندى بالالار مەن تالانتتى جاستاردى انىقتاۋ جونە قولداۋ جونىندەگى ورتالىعى 2022 جىلى باستاۋ العان الماتى قالاسى ءبىلىم باسقارماسى №178 مامانداندىرىلعان ليسەيدە «قۇرمەت» وردەنىنىڭ يەگەرى، ۇلاعاتتى ۇستاز، ماتەماتيكا ءپانى ءمۇعالىمى ءابدىماجيت قوڭىرباي ۇلى وتەش اتىنداعى ءىى ماتەماتيكالىق وليمپيادا مامانداندىرىلعان ءبىلىم بەرۋ ۇيىمدارى اراسىندا ءوتتى، دەپ حابارلايدى اlmaty-akshamy.kz.
شارا ماتەماتيكا ءپانى بويىنشا وقۋشىلاردىڭ قىزىعۋشىلىعىن قالىپتاستىرۋ، ستاندارتتى ەمەس ويلاۋدى دامىتۋ، وقۋشىلاردى ماتەماتيكالىق ۇعىمداردى تالداۋعا، سىني تۇرعىدا ويلاۋعا، كۇردەلى ەسەپتەردى شەشۋگە داعدىلاندىرۋ ماقساتىندا ۇيىمداستىرىلعان بولاتىن.
بۇل ءىس-شارا جاس ماتەماتيكتەرگە ءوز قابىلەتتەرىن كورسەتۋگە جانە ماتەماتيكا سالاسىندا لايىقتى تانىلۋعا تاماشا مۇمكىندىك بەردى.
وليمپياداعا مامانداندىرىلعان ءبىلىم بەرۋ مەكەمەلەرىنىڭ 10-11 سىنىپتارىنان 43 وقۋشى قاتىسىپ، باقتارىن سىناپ كوردى.
سونىمەن ءبىلىم دوداسىندا بىلىكتىلىگىن كورسەتكەن №165 مامانداندىرىلعان ليسەيدىڭ 11 سىنىپ وقۋشىسى ليەۆين ەدۋارد، № 126 مامانداندىرىلعان ليسەي 10 سىنىپ وقۋشىسى شارحانوۆ جان ءى دارەجەلى ديپلوممەن ماراپاتتالىپ، 70 000 تەڭگە اقشالاي سەرتيفيكاتى تابىستالدى. ال مامانداندىرىلعان «ءبىلىم-يننوۆاسيا» ليسەي-ينتەرناتىنىڭ 11 سىنىپ وقۋشىسى سايلاۋ ەراسىل، 10 سىنىپ وقۋشىسى تەمىرلان بورانباي، 10 سىنىپ وقۋشىسى ەركەن اليمجان، №165 مامانداندىرىلعان ليسەيدىڭ 10 سىنىپ وقۋشىسى بەلىي پاۆەل ەكىنشى ورىن تۇعىرىنان كورىنىپ، 40 000 تەڭگە اقشالاي سەرتيفيكاتپەن ماراپاتتالدى.
ءۇشىنشى ورىنعا يە بولعان №90 مامانداندىرىلعان ليسەيدىڭ 11 سىنىپ وقۋشىسى كۋپەلدييەۆ اليبەك، س.ا.حودجيكوۆ اتىنداعى №39 مامانداندىرىلعان ليسەيدىڭ 10 سىنىپ وقۋشىسى ورىنباسار اقجول، №165 مامانداندىرىلعان ليسەيدىڭ 10 سىنىپ وقۋشىسى احمەتوۆ جانگير، №12 مامانداندىرىلعان گيمنازيانىڭ 10 سىنىپ وقۋشىسى سارسەكەيەۆ اميرجان، №90 مامانداندىرىلعان مەكتەپ-ليسەيدىڭ 10 سىنىپ وقۋشىسى سالامات ءابدىراحمان، №54 مامانداندىرىلعان مەكتەپ-ليسەيدىڭ 10 سىنىپ وقۋشىسى شين تيمۋر 20 000 تەڭگە اقشالاي سەرتيفيكات تابىستالدى.
№178 مامانداندىرىلعان ليسەيدىڭ 10-11 سىنىپ وقۋشىلارىنا ءا.ق.وتەش اتىنداعى ءىى ماتەماتيكالىق وليمپيادا كونكۋرستان تىس ۇيىمداستىرىلدى. وليمپياداعا قاتىسقان 12 وقۋشىنىڭ ىشىنەن 11 سىنىپ وقۋشىسى كايسا نۋريدين، 10 سىنىپ وقۋشىسى سالەموۆا ىڭكاردىڭ باعى جانىپ ءبىرىنشى ورىندى يەمدەنىپ، 70 000 تەڭگەلىك سەرتيفيكاتتىڭ يەسى اتاندى. ال 11 سىنىپ وقۋشىسى كالمۋرزايەۆ نۋرداۋلەت پەن 10 سىنىپ وقۋشىسى ورىنباي سابيناعا ءىى دارەجەلى ديپلوممەن قاتار 40 000 تەڭگە اقشالاي سەرتيفيكات تابىستالدى. سونىمەن قاتار، 11 سىنىپ وقۋشىسى تاشكەنباي ەرنار مەن 10 سىنىپ وقۋشىسى بيماعانبەت گاۋھار دا وزدەرىنىڭ وسال ەمەس ەكەندىكتەرىن دالەلدەدى. دەگەنمەن ولارعا ءىىى دارەجەلى ديپلوم جانە 20 000 تەڭگە اقشالاي سەرتيفيكات بۇيىردى.
